Si Samuel nga Propeta

Pagtudlo parte sa pagkabun-ag kag kamatayon ni Jesus

Ginpahalin sang mga Nefinhon si Samuel sa siyudad

Ang Lamanhon nga propeta nga ang ngalan Samuel naglakat para tudloan ang mga Nefinhon sa Zarahemla. Nagtudo sia parte sa paghinulsol. Indi gusto mamati ang mga Nefinhon kag gintabog sia sa siyudad.

Helaman 13:1–2

Mapauli na kuntani si Samuel sa iya katawhan. Pero ginhambalan sia sang Ginuo nga magbalik para tudloan ang mga Nefinhon.

Helaman 13:2–3

Si Samuel nga nagatindog sa gwa sang siyudad kag nagatangla nga nagatulok diri

Ginhambalan sang Ginuo si Samuel nga tudloan Niya sia sang ihambal niya. Ginsunod ni Samuel ang Ginuo. Nagbalik sia sa Zarahemla. Pero indi sia pagpasudlon sang mga Nefinhon sa siyudad.

Helaman 13:3-4

Si Samuel nga nagatindog sa pader sang siyudad kag nagahambal sa grupo sang mga tawo

Nagsaka si Samuel sa pader sang siyudad. Ginhambal niya kon ano ang ginbutang sang Ginuo sa iya tagipusuon. Ginpaandaman niya ang mga tawo nga laglagon sila tungod nagahimo sila sang malain. Siling niya nga paghinulsol kag pagtuo kay Jesucristo lang gid ang makaluwas sa ila. Siling niya nga si Jesus, ang Anak sang Dios, matawo sa sulod sang lima ka tuig.

Helaman 13:4–11; 14:2, 8, 12–18

Si Samuel nga nagatindog sa pader sang siyudad kag nagahambal, kag may imahe sa tupad niya ni Jesus bilang lapsag, ni Maria, kag ni Jose

Nagsiling si Samuel nga may mga senyales sang pagbata kay Jesus. Ginhambalan niya ang mga tawo nga pangitaon ang mga senyales. Isa ka senyales amo nga may isa ka gab-i nga indi magdulom. Ang iban pa gid nga senyales amo nga may bag-o nga bituon kag madamo nga matahum nga butang nga makita sa langit.

Helaman 14:3–7

Si Samuel nga nagahambal, kag sa tupad niya may imahe sang Nabanhaw nga Manluluwas sa gwa sang Iya lulubngan nga nagaistorya kay Maria Magdalena

Gusto ni Samuel nga magtuo ang mga tawo kay Jesus. Siling niya nga mapatay si Jesus kag mabanhaw para maluwas ang tanan nga tawo kon maghinulsol sila.

Helaman 14:8, 12–18

Si Samuel nagahambal, kag sa likod niya ang imahe sang madulom nga siyudad

Siling ni Samuel nga may mga senyales sa pagkapatay ni Jesus. Indi makita sang mga tawo ang adlaw, bulan, ukon mga bituon. Mangin madulom sa sulod sang tatlo ka adlaw.

Helaman 14:20, 27

Si Samuel nga nagahambal, kag sa tupad niya ang imahe sang nagakasunog nga siyudad nga ginaigo sang kilat

May mga pagpanaguob kag pagpangilat. Maabot ang mga linog, kag magkalaguba ang mga siyudad.

Helaman 14:21–27

Nagatindog si Samuel sa ibabaw sang pader sang siyudad, kag ang akig nga grupo sang mga tawo nagatinguha nga iguon sia sang mga baslay kag mga bato, pero tanan wala nagaigo kay Samuel

May mga tawo nga nagpati kay Samuel, pero kadamo sang mga Nefinhon nga nangakig sa iya. Ginhaboy nila sia sang mga bato kag ginpana sia. Ginprotektahan sang Ginuo si Samuel samtang nagatindog sia sa pader. Wala gid sang bato ukon pana nga nag-igo sa iya.

Helaman 16:1–2

may mga tawo nga nagapangamuyo kag daw nabalaka, ang iban nga mga tawo akig, kag naglakat si Samuel

Sang indi gid nila maigo si Samuel, madamo sa mga tawo ang nagpati sa iya ginpanghambal. Pero kalabanan sang mga tawo akig gihapon. Gintilawan nila nga dakpon si Samuel kag gapuson. Nalagyo si Samuel kag nagpauli. Padayon niya nga gintudloan ang iya katawhan.

Helaman 16:3, 6–8

ang propeta nga si Nefi nagahambal sa mga tawo sa kilid sang sapa

Ang mga Nefinhon nga nagpati kay Samuel naghinulsol kag ginbunyagan ni propetang Nefi. Nagtuo sila kay Jesus kag ginbantayan ang mga senyales sang pagbata kay Jesus nga ginsiling sa ila ni Samuel.

Helaman 16:1, 3–5; 3 Nefi 1:8