Alma 53; 56–57

Ang Lamharon nga mga Soldado

Mga anak nga lalaki nga nagsalig sa Dios

hubin nga mga soldado nga nagauyat sang mga taming, mga bangkaw, kag mga espada

Ang mga Nefinhon nagagiyera sa mga Lamanhon kag kinahanglan nila sang bulig. Gusto sang mga Anti-Nefi-Lehi nga magbulig. Pero nagpromisa sila sa Ginuo nga indi na makig-away. Duha ka libo sang ila hubin pa nga mga bata nga lalaki ang wala naghimo sang amo sina nga promisa. Sa baylo, nangako ang mga anak nga lalaki nga mag-away para protektahan ang ila mga pamilya. Ini nga kabataan gintawag nga lamharon nga mga soldado.

Alma 53:8, 13–18, 22; 56:1–8

Ginpangunahan ni Helaman ang hubin nga mga soldado padulong sa isa ka siyudad

Ginpili sang lamharon nga mga soldado si propetang Helaman nga magpanguna sa ila. Gamay sila nga grupo kon ikumparar sa dako nga grupo sang mga soldado nga Lamanhon. Pero nakahibalo si Helaman nga ang lamharon nga mga soldado tampad, maisog, kag matinuohon. Upod si Helaman nga nagapanguna sa ila, naglakat sila para buligan ang mga Nefinhon.

Alma 53:19–22; 56:9–10, 17, 19

hubin nga mga soldado nga nagapatindog sang kuta para sa mga soldado nga Nefinhon, kag mga ginikanan nga nagadala sang pagkaon.

Kapoy na ang mga soldado nga Nefinhon. Pero sang mag-abot ang lamharon nga mga soldado, nalipay ang mga Nefinhon. Ang hubin nga mga soldado naghatag sa ila sang paglaum kag kusog. Ululupod, naghanda sila nga makig-away sa mga Lamanhon. Ang mga ginikanan sang lamharon nga mga soldado nagbulig man paagi sa pagdala sang pagkaon kag mga kinahanglanon sa ila.

Alma 56:16–17, 19–20, 22, 27

Ang Nefinhon nga mga lider kag ang hubin nga mga soldado nagtipon sa isa ka tolda

Naagaw na sang mga Lamanhon ang madamo nga siyudad kag ginpangbutangan ini sang mga soldado. Gusto sang mga lider nga Nefinhon nga pahalinon ang mga Lamanhon sa isa ka siyudad. Naghimo sila sang plano kag ginpangayo ang bulig sang lamharon nga mga soldado.

Alma 56:18–30

Nagadalagan ang mga soldado nga Lamanhon nga may mga armas pakadto sa hubin nga mga soldado

Nagpakuno-kuno ang lamharon nga mga soldado nga nagadala sang pagkaon sa mga Nefinhon nga nagaistar sa malapit nga siyudad. Sang makita sang mga Lamanhon ang gamay nga grupo, ginbayaan nila ang ila siyudad kag ginlagas ang lamharon nga mga soldado. Abi sang mga Lamanhon nga mahapos lang sila madakpan.

Alma 56:30–36

ang hubin nga mga soldado nga nagamartsa sa malaba nga linya, ang Lamanhon nga mga soldado nagasunod sa ila, kag ang Nefinhon nga mga soldado nagasunod sa Lamanhon nga mga soldado

Nagdinalagan palayo ang lamharon nga mga soldado sa mga Lamanhon. Dayon ginlagas sang mga soldado nga Nefinhon ang mga Lamanhon. Gusto sang mga Lamanhon nga madakpan ang lamharon nga mga soldado antes sila maabtan sang mga Nefinhon. Nakita sang mga Nefinhon nga ara sa ital-ital ang lamharon nga mga soldado gani nagdali-dali sila martsa para buligan sila.

Alma 56:36–41

hubin nga soldado nga nagapangita sang upod nga mga soldado kag nagakabalaka

Dugay-dugay, indi na makita sang lamharon nga mga soldado ang mga Lamanhon. Nabalaka sila kon naabtan sang mga Nefinhon ang mga Lamanhon kag nagapakig-away na.

Alma 56:42–43

Si Helaman nga nagaalsa sang iya espada

Nabalaka si Helaman. Ginapaminsar niya nga basi gusto sila nga kibunon sang mga Lamanhon. Ginpamangkot niya ang hubin nga mga soldado kon gusto nila mag-away sa mga Lamanhon.

Alma 56:43–44

hubin nga mga soldado nga nagaalsa sang ila mga espada

Nadumduman sang lamharon nga mga soldado ang gintudlo sa ila sang ila mga nanay. Gintudloan sila sang ila mga nanay nga magsalig sa Dios kag indi magduhaduha, tungod amligan Niya sila. Nagapati ining mga kabataan sa Dios kag gusto nila nga tumanon ang ila pangako nga protektahan ang ila mga pamilya. Ginhambal nila kay Helaman nga handa sila maglakat kag mag-away.

Alma 56:46–48

Si Helaman nga nagamartsa upod ang hubin nga mga soldado

Gindayaw ni Helaman ang ila kaisog. Ginpangunahan niya sila sa pagpakig-away sa mga Lamanhon.

Alma 56:45, 49

Si Helaman kag ang hubin nga mga soldado sa kilid sang bukid nga may mga armas

Nakita sang lamharon nga mga soldado ang mga Lamanhon kag mga Nefinhon nga nagailinaway. Kapoy na ang mga Nefinhon. Daw mapirde na sila sang mag-abot ang hubin nga mga soldado.

Alma 56:49–52

Hinadlukan ang Lamanhon nga mga soldado

Ang lamharon nga mga soldado nag-away upod ang kusog sang Dios. Nahadlok ang mga Lamanhon sa ila kag nag-untat away. Nakabulig ang lamharon nga mga soldado nga magdaog sa giyera!

Alma 56:52–54, 56

Ginlab-ot ni Helaman ang iya kamot sa hubin nga mga soldado

Sa giyera, madamo nga Nefinhon kag Lamanhon ang nagkalamatay. Nabalaka si Helaman nga basi napatay man ang iban sang iya hubin nga mga soldado. Pero pagkatapos sang giyera, gin-isip ni Helaman ang tanan. Nalipay gid sia kaayo nga wala bisan isa sa lamharon nga mga soldado ang napatay. Ginprotektahan sila sang Dios.

Alma 56:55–56

ang hubin nga mga soldado pilason kag nagbinuligay

Dugang pa nga kabataan nga lalaki ang nag-upod sa lamharon nga mga soldado. Padayon nila nga ginbuligan ang mga Nefinhon nga makig-away. Sa iban pa nga mga giyera, ang tanan nga lamharon nga mga soldado nagkalapilasan, pero wala sang napatay sa ila. Ginadumdum nila ang gintudlo sa ila sang ila mga nanay. Nagsalig sila sa Dios, kag Iya sila nga ginprotektahan.

Alma 57:6, 19–27; 58:39–40