1 Nefi 2–3; 5

Si Saria

Ang pagpanglakaton sa pagtuo sang isa ka babayi

Si Saria kag Lehi

Si Saria nagaistar sa Jerusalem upod ang iya pamilya. Ang iya bana nga si Lehi, isa ka propeta sang Dios. Isa ka adlaw, ginsugo sang Ginuo si Lehi nga maghalin sa Jerusalem upod ang iya pamilya.

1 Nefi 2:1–3

Si Saria nga nagapangamuyo

May pagtuo si Saria sa Ginuo. Ginbayaan niya kag sang iya pamilya ang ila puluy-an. Ginbilin nila ang ila mga bulawan kag pilak para mag-upod kay Lehi sa kamingawan.

1 Nefi 2:4–5

Si Saria sa kamingawan

Nagdala si Saria kag Lehi sang pagkaon kag iban pa nga kinahanglan nila. Pagkatapos sang pila ka adlaw nga pagbiyahe, nagpatindog sila sang mga tolda para mag-istar sa kamingawan. Dayon nagpatindog sila sang altar kag nagpasalamat sa Ginuo sa Iya bulig.

1 Nefi 2:4, 6–7, 15

Nabalaka si Saria upod kay Lehi tungod sa kalayuon.

Isa ka adlaw ginhambalan sang Ginuo ang mga bata ni Saria kag Lehi nga magbalik sa Jerusalem kag kuhaon ang saway nga mga lamina. Nahadlok si Saria nga basi indi na makabalik ang iya mga bata. Abi niya patay na sila. Gin-uloulohan ni Lehi si Saria. Ginpili niya nga magsalig sa Ginuo nga protektahan Niya ang ila kabataan.

1 Nefi 3:1–2, 4–6; 5:1–6

Si Saria kag Lehi nga ginasugat ang ila mga bata

Grabe ang kalipay ni Saria sang makabalik ang iya kabataan halin sa Jerusalem. Nahibal-an niya nga ginprotektahan sila sang Ginuo. Nagsalig sia nga hatagan sila sang Ginuo sang gahum para himuon ang Iya ginapangayo. Nalipay ang bilog nga pamilya ni Saria, kag ginpasalamatan nila ang Ginuo.

1 Nefi 5:7–9