Ang mga Zoramnon

Pagpatubo sang ila pagtuo kay Jesucristo

Si Amulek, Alma, Corianton, kag iban pa nga mga Nefinhon nagbiyahe pakadto sa isa ka siyudad

Isa ka grupo sang Nefinhon nga ginatawag mga Zoramnon wala nagatuman sang mga kasuguan sang Dios. Tungod sini, nasubuan gid si propetang Alma. Kabalo sia nga ang pinakamaayo nga paagi para mabuligan sila amo nga tudloan sila sang pulong sang Dios. Gin-upod niya si Amulek kag ang iban pa para tudloan sila.

Alma 31:2–11

Si Alma kag Amulek nga ginasubuan, kag ang maayo mamayo nga mga tawo wala nagasapak sa mga tawo nga nagakinahanglan

Kabalo ang mga Zoramnon parte sa Dios pero gin-islan nila ang Iya pinanudlo. Nagasimba sila sa mga dios-dios. Pamatyag nila mas maayo sila sangsa iban nga tawo. Mapintas man sila sa mga tawo nga wala sing kuwarta.

Alma 31:1, 8–12, 24–25; 32:2–3

ang maayo mamayo nga mga Zoramnon nagatindog sa mataas nga tulungtungan sa tunga sang kadam-an kag nagaalsa sang ila mga kamot paibabaw

Nagpatindog ang mga Zoramnon sang mataas nga tulungtungan sa sentro sang ila mga simbahan. Isa-isa sila nga nagatindog diri kag nagapangamuyo. Nagagamit sila sang pareho nga mga tinaga kada magpangamuyo sila. Sa ila pangamuyo, nagasiling sila nga ang Dios wala sang lawas kag indi matuod si Jesucristo. Siling nila nga sila lang ang mga tawo nga luwason sang Dios.

Alma 31:12–23

Gin-istorya ni Alma kag Amulek ang pigado nga mga Zoramnon.

Palangga ni Alma ang mga Zoramnon kag gusto niya nga sundon nila ang Dios kag si Jesus. Nangamuyo sia kag nangabay sa Dios nga buligan sia kag ang iban nga nag-upod sa iya nga tudloan ang mga Zoramnon. Si Alma kag ang mga upod niya tanan napuno sang Balaan nga Espiritu. Naglakat sila kag nagtudlo nga may gahum sang Dios.

Alma 31:24–38; 32:1

madamo nga pigado nga mga Zoramnon ang namati kay Alma, Amulek, kag Zisrom nga nagatudlo

Ang iban nga mga Zoramnon nasubuan. Wala sila ginapasulod sa mga simbahan kay indi nami ang ila ginasuksok. Gusto nila kuntani magsimba sa Dios pero indi sila kabalo kon paano kon indi sila makasulod sa mga simbahan. Ginpamangkot nila si Alma kon ano ang ila himuon. Gintudlo ni Alma sa ila nga ginapamatian sang Dios ang ila mga pangamuyo bisan diin man sila.

Alma 32:2–12; 33:2–11

Si Alma nga nagauyat sang gamay nga liso kag nagatudlo sa mataas kag matahum nga bulak sa pihak niya nga kamot

Siling ni Alma nga gusto sang Dios nga magtuo ang mga tawo. Ginkumparar niya ang mga pinanudlo sang Dios sa liso. Kon itanom sang mga tawo ang pinanudlo sang Dios sa ila mga tagipusuon, matubo ini kag mabal-an nila nga matuod ang mga pinanudlo sang Dios. Siling niya nga kinahanglan lang nila nga maghandum sa pagpati para magsugod ang ila pagtuo.

Alma 32:12–43

Nagahambal si Amulek, kag tupad niya ang imahe ni Jesucristo nga nagatudlo sa mga tawo

Dayon gintudloan ni Amulek ang mga tawo parte sa plano sang Dios para sa Iya mga kabataan. Gintudlo niya sa ila nga paagi kay Jesucristo tanan sila pwede mapatawad sang ila mga sala. Gintudloan man niya sila nga magpangamuyo sa Dios kag nga buligan sila sang Dios kag protektahan sila.

Alma 34

ginabantayan sang mga guwardya ang pigado nga mga Zoramnon nga nagahalin sa siyudad

Madamo nga Zoramnon nga pigado ang nagpati sa gintudlo ni Alma kag Amulek. Pero nangakig ang mga lider sang mga Zoramnon. Ginpalayas nila sa siyudad ang tanan nga nagpati.

Alma 35:1–6

Ginbaton sang mga Anti-Nefi-Lehi ang pigado nga mga Zoramnon

Ang mga nagpati nag-istar upod sa mga Anti-Nefi-Lehi. Gin-alagaran sila sang mga Anti-Nefi-Lehi, ukon ginserbehan sila, paagi sa paghatag sang pagkaon, bayo, kag duta.

.Alma 35:9