Gintudloan ni Jesus ang mga Tawo

Pagbulig sa ila nga matun-an ang Iya ebanghelyo

Si Jesucristo nga nagaluhod kag nagaistorya sa malipayon nga kabataan, kag madamo nga malipayon nga mga tawo nga nagaluhod sa palibot nila kag nagapamati

Ang mga tawo sa kadutaan sang Amerika malipayon nga makita si Jesucristo kag mabatian Sia nga nagatudlo. Malawig nga tinuig nila nga ginhulat nga mag-abot ang Manluluwas.

3 Nefi 11:10, 17

Si Jesucristo nga nagatindog sa tunga sang malipayon nga mga tawo kag nagatudlo sa ila

Gintudlo ni Jesus ang madamo sa pareho nga mga butang nga Iya gintudlo sa mga tawo malapit sa Jerusalem. Gintudloan Niya sila nga magtuo, maghinulsol, kag magpabunyag. Kon himuon ini sang mga tawo, ipadala sang Dios sa ila ang Balaan nga Espiritu. Gintudloan sila ni Jesus kon paano mangamuyo. Ginpangabay Niya sila nga patawaron ang iban. Gusto Niya nga mangin ehemplo sila sa iban.

3 Nefi 11:31–39; 12:22–24, 44; 13:5–14; 17:8; 18:15–24

Ginhambalan ni Jesus ang mga tawo nga magpauli kag magpangamuyo sa Dios nga buligan sila nga maintiendihan ang Iya gintudlo sa ila. Siling Niya nga mabalik Sia pagkadason nga adlaw.

3 Nefi 17:1–3

mga tawo nga nagapungko sa palibot sang dabok kag nagaistoryahanay

Sina nga gab-i, ginhambal sang mga tawo sa iban nga nakita nila si Jesus. Ginhambalan nila kon ano ang Iya ginhambal kag ginhimo. Madamo nga mga tawo ang nagbiyahe bilog nga gab-i para makita si Jesus.

3 Nefi 19:1–3

ang mga disipulo nagatudlo sang dalagko nga mga grupo sang tawo

Pagkadason nga adlaw, nagtipon ang mga tawo upod ang dose ka disipulo ni Jesus. Gintudloan sang mga disipulo ang mga tawo sang tanan nga gintudlo ni Jesus. Nagluhod sila sa duta kag nangamuyo.

3 Nefi 19:4–8

Si Jesucristo nga nagaluhod kag nagapangamuyo, kag ang iban nga mga tawo nagaluhod sa palibot Niya kag nagapangamuyo man

Dayon nag-abot si Jesus. Nagpangamuyo Sia para sa Iya mga disipulo kag para sa mga tawo. Nangamuyo man ang mga disipulo. Nagsugod sila nga magsilak nga daw pareho kasanag sa Manluluwas. Nalipay gid si Jesus. Nangin matinlo ang mga disipulo tungod sa ila pagtuo sa Iya. Nangamuyo liwat si Jesus, kag nabatian Sia sang mga tawo nga naghambal sang matahum nga mga butang.

3 Nefi 19:15–36

ang malipayon nga bata naghagad sang isa ka tawo nga magpalapit kag mag-upod sa mga tawo nga nagapamati kay Jesucristo

Sang nagdason nga mga inadlaw, gintudloan ni Jesus ang mga tawo sang madamo nga butang parte sa plano sang Amay nga Langitnon. Ginpakigbahin man Niya ang sakramento sa ila. Ang tanan nga mga tawo sa lugar nagpati kay Jesucristo kag nagpabunyag. Nabaton nila ang dulot sang Balaan nga Espiritu.

3 Nefi 20–27; 4 Nefi 1:1–2

nagabuligay ang mga tawo nga makapalapit kay Jesucristo, kag nakighambal si Jesucristo sa ila kag nagayuhum

Nagbinuligay ang mga tawo kag nakigbahin sang tanan nga ara sa ila. Ginhimo nila ang tanan nga ginpahimo ni Jesus sa ila. Gintawag sila nga Simbahan ni Cristo. Malipayon kaayo ang Amay nga Langitnon kag si Jesucristo sa mga tawo.

3 Nefi 26:17–21; 27:30–31; 4 Nefi 1:3–18