Enos 1

Si Enos

Mabaskog nga pangamuyo sa Ginuo

Si Enos nga nagapangayam

Ginhatag ni Jacob ang mga lamina sa iya bata nga si Enos. Nagsulat man diri si Enos pareho sang ginhimo ni Jacob. Isa ka adlaw, naglakat si Enos sa lasang para mangayam. Nadumduman niya ang gintudlo sang iya tatay parte sa Ginuo. Gintudloan ni Jacob si Enos nga ang pagsunod sa Ginuo magadala sa iya sang kalipay.

Jacob 7:27; Enos 1:2–3

Si Enos nga nagapangamuyo sang adlaw pa

Gusto man ni Enos nga mabatyagan ang kalipay nga ginasiling sang iya tatay. Nagdesisyon sia nga magpangamuyo sa Ginuo. Nagpangamuyo sia bilog nga adlaw hasta sa gab-i.

Enos 1:3–4

Si Enos nga nagatangla

Ginhambalan sang Ginuo si Enos nga napatawad na ang iya mga sala. Nalipay kaayo si Enos. Ginbugayan si Enos tungod sa iya pagtuo kay Jesucristo.

Enos 1:3, 5–8

Si Enos nga nagapangamuyo sa gab-i

Gusto man ni Enos nga mabatyagan sang mga Nefinhon ang amo sini nga kalipay. Nagpadayon sia sa pagpangamuyo. Ginpangayo niya sa Ginuo nga mabatyagan man sang mga Nefinhon ang pareho nga kalipay.

Enos 1:9

Si Enos malipayon

Ginhambalan sang Ginuo si Enos nga magaupod Sia sa mga Nefinhon kon tumanon nila ang Iya mga kasuguan. Sang mabatian ini ni Enos, mas nagbaskog pa gid ang iya pagtuo sa Ginuo.

Enos 1:10–11

Si Enos nga nagasulat sa bulawan nga mga lamina

Nangamuyo liwat si Enos. Ginpangabay niya sa Ginuo nga bugayan ang mga Lamanhon kag protektahan ang nasulat sa mga lamina. Gusto niya nga mabasahan sang mga Lamanhon ang mga lamina kag magpati sa Ginuo. Nagpromisa ang Ginuo kay Enos nga pila ka adlaw mabasahan gid sang mga Lamanhon ang mga sinulat sa lamina.

Enos 1:11–17