“Si Mosias kag si Zenif,” Mga Sugilanon sa Libro ni Mormon (2023)
Si Mosias kag Zenif
Ginprotektahan sang Ginuo
Madamo ang nangin giyera sang mga Nefinhon kag Lamanhon. Isa ka adlaw, ginsugo sang Ginuo ang isa ka Nefinhon nga ang ngalan Mosias nga maghalin sa kadutaan sang Nefi upod ang mga gusto magsunod sa Ginuo.
Madamo nga Nefinhon ang nagsunod sa Ginuo kag nag-upod kay Mosias. Gindala sila sang Ginuo sa lugar nga may mga nagaistar na ngadaan. Gintawag sila nga katawhan sang Zarahemla
Ang katawhan sang Zarahemla halin man sa Jerusalem sang una. Nalipay gid sila nga ginpadala sang Ginuo ang mga Nefinhon dala ang saway nga mga lamina. Nagsimpon ang katawhan ni Mosias sa katawhan sang Zarahemla. Ginpili sang tanan nga tawo si Mosias bilang ila hari. Gintudloan niya sila parte sa Ginuo.
Medyo dugay na nga nagaistar ang mga Nefinhon sa Zarahemla sang magbalik ang isa ka dako nga grupo sa kadutaan sang Nefi. Ginpangunahan sila sang isa ka Nefinhon nga ginatawag Zenif.
Mga Lamanhon na karon ang nagaistar sa kadutaan sang Nefi, gani ginpamangkot ni Zenif ang ila hari kon pwede man mag-istar ang iya katawhan didto. Nagpasugot ang hari.
Gin-into sang hari si Zenif kag ang iya katawhan. Ginpaistar niya sila sa kadutaan sang Nefi para kuhaon ang iban nila nga pagkaon kag kasapatan sa ulihi. Nag-istar didto ang katawhan ni Zenif sa kalinong sing madamo nga tinuig. Madamo sila sang tanom kag may madamo nga kasapatan. Dayon ginsulong sila sang mga Lamanhon kag ginpanguha ang ila pagkaon kag kasapatan.
Gintudloan ni Zenif ang iya katawhan nga magsalig sa Ginuo. Sang ginsulong sila sang mga Lamanhon, nangamuyo si Zenif kag ang iya katawhan sa Ginuo. Ginhatagan sila sang Ginuo sang kusog kag nagbulig nga maprotektahan sila. Natabog nila ang mga Lamanhon. Ginbugayan sang Ginuo si Zenif kag ang iya katawhan tungod sa ila pagtuo.