1 Nefi 4–5

Si Nefi kag ang Saway nga mga Lamina

Pagtuon nga sundon ang Espiritu

Si Nefi nga nagapalapit sa bilding kag ang iya mga utod nagatan-aw

Nagbalik si Laman, Lemuel, Sam, kag Nefi sa Jerusalem sang gab-i. Nagsulod si Nefi sa balay ni Laban samtang nagapanago ang iya mga utod sa gwa sang siyudad.

1 Nefi 4:4–5

Si Nefi nga ginatulok si Laban nga ara sa salog

Nahibal-an ni Nefi nga gingiyahan sia sang Espiritu. Wala sia kabalo kon ano ang dapat niya himuon, pero nabal-an niya nga buligan sia sang Ginuo nga makuha ang saway nga mga lamina.

1 Nefi 4:6

Si Nefi nga nagauyat sang espada ni Laban

Sang lapit na lang si Nefi sa balay ni Laban, nakita niya si Laban sa salog. Hubog si Laban. Nakita ni Nefi ang espada ni Laban kag ginpulot ini.

1 Nefi 4:7–9

Si Nefi nga nagapalayo kay Laban

Sang gintulok ni Nefi ang espada, ginsilingan sia sang Espiritu nga patyon si Laban. Pero indi gusto ni Nefi nga patyon sia. Siling sang Espiritu kay Nefi nga mas maayo pa nga mapatay si Laban sangsa indi makuha sang pamilya ni Nefi ang balaan nga kasulatan. Kinahanglan nila ang mga kasuguan sang Dios nga nasulat sa saway nga mga lamina.

1 Nefi 4:10–11, 13–17

si Nefi nga nagapangamuyo

Nabal-an ni Nefi nga gintinguhaan sia patyon ni Laban. Ginkawat man ni Laban ang ila pagkabutang kag indi magsunod sa kasuguan sang Dios.

1 Nefi 4:11

Si Nefi nga ginasuksok ang bayo ni Laban

Ginsilingan liwat sang Espiritu si Nefi nga patyon si Laban. Nahibal-an ni Nefi nga naghanda ang Ginuo sang paagi para makuha niya ang saway nga mga lamina. Ginpili niya nga sundon ang Espiritu. Ginpatay ni Nefi si Laban kag ginsuksok ang bayo ni Laban.

1 Nefi 4:12–13, 17–19

Si Nefi nga nagasugilanon kay Zoram

Dayon nagkadto si Nefi sa talaguan ni Laban sang manggad kag nasugata ang suluguon ni Laban nga si Zoram. Nagpakuno-kuno si Nefi nga si Laban sa giho kag sa tingug.

1 Nefi 4:20–23, 35

Si Zoram nga nagabitbit sang saway nga mga lamina

Siling ni Nefi kay Zoram nga kinahanglan niya ang saway nga mga lamina. Dayon ginhambalan ni Nefi si Zoram nga mag-upod sa iya. Abi ni Zoram nga si Laban si Nefi, gani ginsunod niya ang gusto ni Nefi.

1 Nefi 4:24–26

mag-ulutod nga nagapalagyo kay Nefi

Sang maggwa si Nefi kag Zoram sa siyudad, abi ni Laman, Lemuel, kag Sam nga si Nefi amo si Laban. Ginkulbaan sila kag nagdinalagan palayo.

1 Nefi 4:28

mag-ulutod nga nagaistoryahanay kag si Zoran nga nagabalikid

Gintawag ni Nefi ang iya mga utod. San nabal-an nila nga si Nefi ato, wala na sila nagdalagan. Pero kinulbaan si Zoram kag gusto tani magbalik sa Jerusalem.

1 Nefi 4:29–30

Si Nefi nga nagasugilanon kay Zoram

Ginpunggan ni Nefi si Zoram. Ginhambal ni Nefi kay Zoram nga ginsugo sila sang Ginuo nga kuhaon ang mga lamina. Ginhagad niya si Zoram nga mag-upod sa ila sa duta nga ginpangako. Nahibal-an ni Zoram nga pwede sia mangin hilway, indi na suluguon, kag nagpromisa nga mag-upod kay Nefi kag sa iya pamilya.

1 Nefi 4:31–37

Si Nefi kag ang iya kauturan kag si Zoram nga nagabugno kay Saria kag Lehi

Nagbiyahe sila pabalik kay Lehi kag Saria. Malipayon kaayo si Lehi kag Saria nga nakita nila liwat ang ila mga bata. Abi ni Saria napatay na ang iya mga bata. Tungod ginprotektahan sang Ginuo ang iya mga bata, may salig na sia nga ang ila pamilya ginsugo gid man nga maghalin sa Jerusalem. Naghalad si Lehi kag Saria para pasalamatan ang Ginuo.

1 Nefi 4:38; 5:1–9

Si Lehi nga nagabasa sang saway nga mga lamina upod sa iya pamilya

Ginbasa ni Lehi ang saway nga mga lamina. Nakita niya nga ara sa mga lamina ang mga pinanudlo sang mga propeta. Natukiban man niya nga isa sa iya kalolohan si Jose, nga ginbaligya sa Egipto sang iya mga kauturan sang madugay na kaayo. Nahibal-an ni Lehi nga importante kaayo ang saway nga mga lamina. Nahibal-an niya nga gusto sang Ginuo nga may ara sila sang mga kasuguan.

1 Nefi 5:10–22