“Mga Babayi sa Kamingawan,” Mga Sugilanon sa Libro ni Mormon (2023)
Mga Babayi sa Kamingawan
Nagalakat upod sa Ginuo
Ang mga bata nga babayi ni Ismael nagbiyahe upod sa ila pamilya sa kamingawan. Mabudlay ang biyahe. Sang kadugayan, ginpamana nila ang mga bata nga lalaki ni Lehi kag Saria.
Isa ka adlaw, napatay si Ismael. Nasubuan gid ang iya mga bata nga babayi. Nahidlaw sila sa ila tatay. Nabalaka ang ila mga bata nga mapatay man sila kag ang ila mga pamilya sa kamingawan. Nangakig sila kay Lehi kag Nefi, kag gusto na lang nila magbalik sa Jerusalem.
Ang tingug sang Ginuo naghambal sa mga bata nga babayi ni Ismael kag sa ila mga pamilya. Naghinulsol sila, kag ginbugayan sila sang Ginuo.
Nagbata ang mga babayi sa kamingawan. Nagbata man si Saria sang duha pa ka lalaki, si Jacob kag Jose.
Ginbuligan sang Ginuo ang mga babayi sa ila pagbiyahe. Ginbugayan Niya sila sang madamo nga gatas para sa ila mga bata. Ginbuligan niya ang mga babayi nga mangin makusog samtang nagabiyahe sila.
Nagsiling ang Ginuo nga ginagiyahan Niya ang mga anak nga babayi kag ang ila pamilya padulong sa duta nga ginpangako. Ginpromisahan sang Ginuo ang mga pamilya nga mabaton nila ang tanan nila nga kinahanglan samtang nagabiyahe sila. Ginhimo Niya nga manamit ang pagkaon nga ila ginpangayam, kag gingiyahan Niya sila.
Pagkatapos sang walo ka tuig sa kamingawan, nakalab-ot gid ang mga pamilya sa baybay. Nagpangalipay ang mga babayi upod sa ila mga pamilya. Katahum sang duta nga malapit sa dagat. Gintawag nila ini nga Bugana kay madamo ini sang prutas kag dugos nga makaon. Ginhanda ini tanan sang Ginuo para sa ila.