Mga Sugilanon sa Balaan nga mga Kasulatan

Ang mga Nanay sang Lamharon nga Kasoldaduhan

“Ang mga Nanay sang Lamharon nga Kasoldaduhan,” Mga Sugilanon sa Libro ni Mormon (2023)

2:9

Ang mga Nanay sang Lamharon nga Kasoldaduhan

Pagtudlo sa kabataan nga magsalig sa Dios

ang tin-edyer nga mga kabataan nga lalaki nagapamati samtang ginatudloan sila sang isa ka nanay kag ang bata nga babayi nagahampang sa unhan

Palangga sang mga Anti-Nefi-Lehi ang Ginuo kag ang tanan nga tawo. Gintudloan sang mga nanay ang ila kabataan nga makasalig gid sila pirme sa Dios. Gintudloan nila sila nga tumanon ang Iya mga kasuguan.

Alma 26:31–34; 27:12, 27–30; 56:47–48; 57:21, 26

Ginatulok ni Helaman kag sang iban nga Nefinhon ang nagakasunog nga siyudad

Nagainaway ang mga Nefinhon kag Lamanhon sa dako nga giyera. Ang mga Nefinhon nagapakig-away para protektahan ang ila mismo katawhan kag ang mga Anti-Nefi-Lehi.

Alma 48–52; 53:10–13

nagapakighambal ang mga Anti-Nefi-Lehi kay Helaman kag isa pa ka Nefinhon

Tungod sang ila mga sala sang una, ang mga Anti-Nefi-Lehi naghimo sang kasugtanan, ukon espesyal nga promisa, sa Dios nga indi na makig-away kay bisan sin-o. Pero palangga nila ang mga Nefinhon kag gusto nila magbulig.

Alma 24:6–19; 53:10–13

ang mga kabataan nga lalaki sang mga Anti-Nefi-Lehi nagaistoryahanay kag nagatan-aw sa ila mga ginikanan nga nagaistorya kay Helaman kag sa isa pa ka Nefinhon

Makig-away sa giyera ang mga Anti-Nefi-Lehi. Pero ginkumbinsi sila ni propeta Helaman kag sang iban nga mga lider sang Simbahan nga dapat tumanon nila ang ila promisa nga indi na makig-away. Igo lang magtan-aw ang mga Anti-Nefi-Lehi sa ila mga amigo nga nagaeksperiyensya sang grabe nga kasakit kag problema, pero gintuman nila ang ila kasugtanan sa Dios.

Alma 53:13–15

gin-alsa sang mga kabataan nga lalaki ang ila kamot, kag namati sa ila ang ila mga ginikanan kag ang mga Nefinhon

Ang mga kabataan nga lalaki sang mga Anti-Nefi-Lehi wala man nakahimo sang promisa nga ginhimo sang ila mga ginikanan. Karon naghimo sila sang ila kaugalingon nga promisa nga makig-away sila para sa kahilwayan.

Alma 53:16–17

nagkuha ang mga kabataan sang mga bangkaw sa soldado nga Nefinhon, kag ang ila mga nanay kag tatay nagpangamuyo kag nagbantay

Dako ang ila kaisog. Natun-an nila sa ila mga nanay nga kon indi sila magduhaduha, protektahan sila sang Dios.

Alma 53:20; 56:47

nagasuksok ang mga kabataan sang taming kag nagaistorya sa ila mga nanay kag tatay, kag si Helaman nagasuksok sang panaming kag nagatindog sa unhan

Nagpati ang mga kabataan sa ila mga nanay. Tampad ang mga kabataan sa Dios kag nagatuman sang Iya mga kasuguan. May pagsalig sila sa Dios nga amligan Niya sila. Kabalo ang mga nanay nga protektahan sang Dios ang ila mga kabataan.

Alma 53:20–21; 56:47–48; 57:20–21, 26