“Si Ismael kag ang Iya Pamilya,” Mga Sugilanon sa Libro ni Mormon (2023)
Si Ismael kag ang Iya Pamilya
Pag-upod sa pagpanglakaton pakadto sa duta nga ginpangako
Ang pamilya ni Lehi kag Saria lang ang nagaistar sa kamingawan. Isa ka adlaw, ginhambalan sang Ginuo si Lehi nga pabalikon ang iya mga bata nga si Laman, Lemuel, Sam, kag Nefi sa Jerusalem. Ginpabalik sila para hagaron si Ismael kag ang iya pamilya nga mag-upod sa ila. Pwede nila padakuon ang ila kabataan sing ululupod sa duta nga ginpangako.
Gusto ni Ismael kag sang iya pamilya nga sundon ang Ginuo. Nagapati sila nga gusto sang Ginuo nga mag-upod sila sa pamilya ni Lehi kag Saria. Ginpili nila nga bayaan ang Jerusalem kag magsunod kay Lehi sa kamingawan.
Sang nagapakadto sila, ang iban sa ila indi na gusto magsunod. Gusto na nila magpauli. Ginpangabay sila ni Nefi nga magtuo sa Ginuo.
Siling ni Nefi mahimo sang Ginuo ang bisan ano kung magtuo sila. Pero nangakig si Laman kag Lemuel. Gingaid nila si Nefi kag gusto sia nga bayaan sa kamingawan.
Nagpangamuyo si Nefi para sa bulig. Nahubad ang lubid, kag nagtindog si Nefi. Pero gusto sia gihapon nga sakiton ni Laman kag Lemuel. Gin-apinan sang isa ka bata nga babayi ni Ismael si Nefi. Gin-apinan man sia sang iya nanay kag sang isa niya ka utod. Namati si Laman kag Lemuel sa ila kag gin-untatan na nila nga sakiton si Nefi.
Nangayo pasensya si Laman kag Lemuel sa ila ginhimo. Nangayo sila kapatawaran kay Nefi. Ginpatawad ni Nefi ang iya mga utod. Dayon nangamuyo si Laman kag Lemuel kag nangayo sang patawad sa Ginuo.
Nagpadayon sila tanan sa ila pagpanglakaton kag nakalab-ot sa tolda ni Lehi kag Saria. Sang ulihi, nag-upod na ang duha ka pamilya. Nagpasalamat sila sa Ginuo kag nagsimba sa Iya.