Alma 39–42

Si Corianton

Pagbalik liwat sa Ginuo

Isa si Corianton sa mga bata ni Alma. Nag-upod sia sa iya tatay, sa iya utod nga si Siblon, kag iban pa para tudloan ang grupo sang mga tawo nga ginatawag mga Zoramnon parte sa ebanghelyo ni Jesucristo.

Alma 31:5–7; 32:1

Kon upod ni Corianton ang mga tawo, nagakatentar sia nga makasala. Imbes nga magsunod sa Dios, ginpili niya nga himuon ang kontra sa mga kasuguan sang Dios. Tungod sang iya ginhimo, ang iban nga mga Zoramnon wala na nagpati sa gintudlo ni Alma kag sang iya kabataan.

Alma 39:2–5, 11–12

Gin-agda ni Alma si Corianton nga maghinulsol kag magliso sa Ginuo para sa kapatawaran. Nabalaka si Corianton parte sa mga bahin sang plano sang Ginuo. Ginbuligan ni Alma ang iya bata nga maintiendihan ang plano sang kaluwasan sang Ginuo, ang Pagbayad-Sala ni Cristo, pagkabanhaw, kag kabuhi pagkatapos sang kamatayon. Ginpadumdom sia ni Alma nga may gusto ipaobra ang Ginuo sa iya.

Alma 39:7–9, 13–19; 40–42

Namati si Corianton sa iya tatay. Nagtuo sia kay Jesus kag naghinulsol sang iya mga sala. Natun-an niya nga ang Ginuo, patas, kag mapinalanggaon kag mabuot. Nagtudlo liwat si Corianton upod sa iya tatay kag kauturan. Madamo sila sang gintudloan parte sa kalipay kag kalinong sang paghinulsol kag pagpangabuhi sang ebanghelyo ni Jesucristo.

Alma 42:30–31; 43:1–2; 48:17–18