3 Nefi 1

Mga Tanda sang Pagbata kay Jesus

Pagtuo sa mga pinanudlo sang propeta

nanay kag tatay nga may lapsag kag kabataan nagalakat sa siyudad

Lima na ka tuig ang nagligad sang gintudlo ni Samuel nga propeta ang mga tanda sang pagbata kay Jesucristo. Madamo nga mga tawo ang nagpati kag nagbantay sa mga tanda. Ang iban nagsiling nga sala si Samuel kag naglampas na ang tiyempo nga matabo ang mga tanda. Ginkadlawan nila ang mga nagpati kag nagsiling nga indi mag-abot si Jesus.

Helaman 14:2–7; 3 Nefi 1:4–6

pamilya nga nagapungko sa balay, kag nagahambal ang tatay

Nabalaka ang mga nagapati, pero may pagtuo sila. Padayon nila nga ginbantayan ang mga tanda. Isa ka tanda amo nga may gab-i nga indi magdulom. Masanag lang gihapon nga daw adlaw bisan pa nga nagtunod na ang adlaw. Ang gab-i nga indi magdulom mangin tanda nga si Jesus matawo pagkadason nga adlaw sa isa ka lugar.

Helaman 14:2–4; 3 Nefi 1:7–8

pamilya nga ginakulbaan samtang ginasinggitan

Ang mga tawo nga wala nagapati naghimo sang plano. Nagpili sila sang adlaw kag nagsiling nga kon indi matabo ang tanda sa sina nga adlaw, pamatyon ang mga nagapati.

3 Nefi 1:9

Nakita ni Nefi ang mga tawo nga ginapintasan ang pamilya

Isa ka tawo nga ang ngalan Nefi amo ang propeta sini nga tiyempo. Nasubuan sia kaayo nga gusto patyon sang iban nga mga tawo ang mga nagapati.

3 Nefi 1:10

Si Nefi nagaluhod para mangamuyo

Nagluhod si Nefi sa duta kag nangamuyo sa Dios para sa mga nagapati nga lapit na patyon tungod sang ila pagtuo. Nagpangamuyo sia bilog nga adlaw.

3 Nefi 1:11–12

Ginkuom ni Nefi ang iya mga kamot kag nagpangamuyo

Bilang sabat sa iya pangamuyo, nabatian ni Nefi ang tingug ni Jesus. Nagsiling si Jesus nga matabo ang tanda sina nga gab-i kag matawo na Sia pagkabwas.

3 Nefi 1:12–14

ang mga tawo nagatangla sa langit nga natingala

Sina nga gab-i wala magdulom bisan pa nga nagtunod na ang adlaw. Ang mga wala nagpati sa mga pulong ni Samuel nasorpresa amo nga natumba sila sa duta. Nahadlok sila kay wala sila nagpati. Ang mga tawo nga nagpati wala ginpamatay.

3 Nefi 1:15–19

mga pamilya nga nagatulok sa masanag kag asul nga langit nga nagakatingala

Pagkadason nga adlaw, nagsilak liwat ang adlaw kag padayon nga nangin masanag ang langit. Ang tanan nga tawo nakahibalo nga amo ini ang adlaw nga matawo si Jesus.

3 Nefi 1:19

ang mga tawo nagatangla sa langit kag nakakita sang bag-o nga bituon

Nakakita ang mga tawo sang isa pa ka tanda. May bag-o nga bituon nga nagpakita sa langit. Ang tanan nga tanda nga ginhambal ni Samuel nagmatuod. Damo pa gid nga mga tawo ang nagpati kay Jesus kag ginbunyagan.

Helaman 14:2–7; 3 Nefi 1:20–23