2 Nefi 4–5

Bag-o nga Puluy-an sa Duta nga Ginpangako

Ang mga Nefinhon kag ang mga Lamanhon

mga pamilya sa palibot ni Lehi

Padayon nga nagdako ang pamilya ni Lehi kag Saria sa duta nga ginpangako. Ang ila kabataan may mga kabataan naman. Nagatigulang na si Lehi. Antes sia mapatay, ginhatagan niya sang mga bendisyon ang mga tawo sa iya pamilya. Ginhambalan niya sila nga kon tumanon nila ang mga kasuguan sang Dios, buligan sila sang Ginuo.

2 Nefi 4:3–12

Si Laman kag Lemuel nga nagatan-aw kay Nefi

Sang mapatay si Lehi, ginpangunahan ni Nefi ang mga tawo. Ginhambalan niya sila nga tumanon ang Ginuo. Nangakig si Laman kag Lemuel. Gusto nila patyon si Nefi para sila na lang ang manguna.

2 Nefi 4:13; 5:1–4

mga grupo sang tawo nga nagabiyahe

Ginsugo sang Ginuo si Nefi nga maghalin upod ang iya pamilya kag ang bisan sin-o nga gusto magsunod sa Ginuo. Naglakat sila sang pila ka adlaw kag nakakita sila sang bag-o nga ilistaran.

2 Nefi 5:1, 5–8

mga tawo nga nagapananom

Ang mga nag-upod kay Nefi gintawag nga mga Nefinhon, kag ang mga nagpabilin gintawag nga mga Lamanhon. Ginpangabay sang mga Nefinhon nga pangunahan sila ni Nefi. Nagtrabaho sila sing maayo. Nananom sila, nagsagod sang mga sapat, kag nagpatindog sang templo kag iban pa nga mga bilding. Gintudloan sila sang mga pari kag mga manunudlo parte sa Ginuo, kag nalipay ang mga tawo.

2 Nefi 5:9–11, 13–17, 26–27