1 Nefi 18

Bagyo sa Dagat

Pagpangita sang kalinong sa Ginuo

mga pamilya nga nagapasaka sang pagkaon sa barko

Ginhambalan sang Ginuo si Nefi nga oras na para magsakay sa barko. Nagbalon ang mga pamilya sang madamo nga pagkaon para kaunon samtang nagabiyahe sila. Dayon nagsakay sila tanan sa barko kag nagbiyahe pakadto sa duta nga ginpangako.

1 Nefi 18:5–8

mga tawo nga nagainom sa barko

Pagligad sang pila ka adlaw sa dagat, ang iban nga tawo wala na nagarespeto kag nagapang-away na. Nalimtan na nila nga ginbuligan sila sang Ginuo.

1 Nefi 18:9

Si Lemuel, Nefi, kag Laman sa barko nga may manug-abot nga bagyo

Nabalaka si Nefi nga basi magsunggod sa ila ang Ginuo. Kon wala ang bulig sang Ginuo, mabutang sa peligro ang barko. Ginpangabay ni Nefi ang iya mga utod nga mag-untat.

1 Nefi 18:10

Si Laman kag Lemuel nga ginahigtan si Nefi

Nangakig si Laman kag Lemuel kay Nefi. Ginhigtan sia nila kag ginpintasan. Wala nila ginsunod ang Ginuo, kag nag-untat sa pag-andar ang Liahona. Wala magdugay nag-abot ang dako nga bagyo. Paglampas sang tatlo ka adlaw sa bagyo, ginhadlukan sila tanan nga basi malunod sila.

1 Nefi 18:10–13

babayi nga nagapangabay kay Laman kag Lemuel

Ginpangabay sang pamilya ni Nefi kay Laman kag Lemuel nga buy-an na si Nefi. Pero wala gihapon nagsugot si Laman kag Lemuel nga may maghubad sang gapos ni Nefi. Nasubuan si Saria kag Lehi kag nagmasakit. Wala nag-untat ang bagyo.

1 Nefi 18:17–19

Si Nefi nga ginakaptan ang Liahona

Sang ikaapat nga adlaw, nahibal-an ni Laman kag Lemuel nga malunod na gid ang barko. Naghinulsol sila kag ginbuy-an si Nefi. Sang nagpangamuyo si Nefi, nag-untat ang bagyo. Nag-andar na liwat ang Liahona. Gingamit niya ini para pakadtuon ang barko sa husto nga direksyon.

1 Nefi 18:14–15, 20–22

mga pamilya nga nagapanaog sa barko kag si Lehi nga nagapangamuyo

Pagligad sang madamo nga inadlaw, nakalab-ot gid man ang mga pamilya sa duta nga ginpangako.

1 Nefi 18:23