Alma 50

Ang Nefinhon nga Suluguon

Pagbulig protekta sa iya katawhan

Isa ka suluguon ang nagatrabaho para sa Nefinhon nga lider nga ang ngalan Morianton. Si Morianton nagapanggamo sa mga tawo. Gin-atake niya ang isa ka grupo sang mga Nefinhon kag gin-agaw ang ila duta. Dayon nagplano sia nga magpa-norte upod sa iya mga tinawo para mang-agaw sang duta didto.

Alma 50:25–30

Isa ka adlaw, nangakig si Morianton sa suluguon. Ginmaltrato niya sia kag ginsakit. Nalagyo ang suluguon kag nagkadto sa kampo ni Kapitan Moroni. Ginsugid niya kay Moroni ang malain nga mga ginhimo ni Morianton. Nagpati si Moroni sa iya.

Alma 50:30–31

Ginsugid man sang suluguon nga gusto ni Morianton magkadto kag mangagaw sang kadutaan sa norte. Nabalaka si Moroni. Mabutang sa delikado ang mga Nefinhon kon maagaw ni Morianton ang kadutaan sa norte. Mangin rason ini nga madula ang kahilwayan sang katawhan.

Alma 50:31–32

Nagpadala sang mga soldado si Moroni para punggan si Morianton. Nagbato ang mga tinawo ni Morianton sa mga soldado kag napirde. Nagpromisa sila nga magpakalinong kag magbalik sa ila lugar. Tungod ginpaandaman sang suluguon si Moroni, padayon nga nangin hilway ang mga siyudad nga Nefinhon.

Alma 50:33, 35–36