1 Nefi 3

Ang Pagbalik sa Jerusalem

Ang biyahe para sa saway nga mga lamina

pamilya nga nagaplastar sang tolda

Ang pamilya ni Lehi kag Saria nagbiyahe sa kamingawan. Sa damgo, ginsugiran sang Ginuo si Lehi parte sa balaan nga kasulatan nga nasulat sa saway nga mga lamina. Ang tawo nga si Laban ang nagakapot sini sa Jerusalem. Nagsiling ang Ginuo nga kinahanglan dalhon sang pamilya ni Lehi ang saway nga mga lamina sa ila pagbiyahe.

1 Nefi 3:1–3, 19–20

si Lehi nga nagasugilanon sa iya pamilya

Ginhambalan sang Ginuo si Lehi nga pabalikon ang iya mga bata sa Jerusalem para kuhaon ang saway nga mga lamina. Nagreklamo ang mga utod ni Nefi. Siling nila kay Lehi nga kabudlay sini himuon. Indi sila gusto maglakat.

1 Nefi 3:4–5

Si Saria, Lehi, kag Nefi nga nagahambalanay

Mabudlay tuod ini himuon, pero gusto ni Nefi nga magtuman. Nakahibalo sia nga ang Ginuo mabulig sa iya kag sa iya mga utod. Ginhambalan ni Nefi si Lehi nga mabalik sia sa Jerusalem para kuhaon ang saway nga mga lamina.

1 Nefi 3:6–8

ang mag-utod malapit sa Jerusalem

Nagbalik si Laman, Lemuel, Sam, kag Nefi sa Jerusalem. Pag-abot nila didto, nagdesisyon sila nga si Laman ang makadto sa balay ni Laban kag pangayuon ang saway nga mga lamina.

1 Nefi 3:9–11

Si Laban kag Laman

Sang ginpangayo ni Laman ang saway nga mga lamina, gintawag sia ni Laban nga kawatan. Siling ni Laban nga patyon niya si Laman.

1 Nefi 3:11–13

Si Laman nga nagapalagyo sa mga gwardya

Nalagyo si Laman kag ginsugid sa iya mga utod ang natabo.

1 Nefi 3:14

Si Nefi nga nagasugilanon sa iya mga utod

Nasubuan ang apat ka mag-ulutod. Gusto ni Laman, Lemuel, kag Sam nga magbalik na lang sa ila mga ginikanan sa kamingawan, pero may ideya si Nefi. Siling niya nga pwede nila negosyaron kay Laban ang saway nga mga lamina. Nagbalik sila sa ila balay sa siyudad kag ginkuha ang tanan nila nga bulawan kag pilak para ibaylo sa mga lamina.

1 Nefi 3:14–16, 22–24

mag-ulutod nga nagapalagyo sa mga gwardya

Sang ginpakita nila ang bulawan kag pilak kay Laban, gusto niya kuhaon tanan. Pero indi man niya gihapon pag-ihatag sa ila ang saway nga mga lamina. Kundi, ginsugo niya ang iya mga suluguon nga pamatyon ang mag-ulutod para makuha niya ang ila bulawan kag pilak.

1 Nefi 3:16, 23–25

mag-ulutod nga nagapanago sa mga gwardya

Nagpinalagyo ang mag-ulutod kag nabilin ang ila bulawan kag pilak. Indi sila madakpan sang mga suluguon ni Laban. Nanago ang mag-utod sa kweba.

1 Nefi 3:26–27

Nangakig si Laman kag Lemuel kay Nefi kag Sam

Pagkatapos sang tanan nga kabudlayan, nangakig si Laman kag Lemuel kay Nefi. Ginbakol nila si Nefi kag Sam sang lipak.

1 Nefi 3:28

anghel nga nagahambal kay Laman kag Lemuel

Gulpi lang, may anghel nga nagpakita kag namangkot kon ngaa ginabakol nila si Nefi. Siling sang anghel nga ginpili si Nefi nga magpanguna sa ila. Dayon ginhambalan sila sang anghel nga magbalik sa Jerusalem. Mahanda ang Ginuo sang paagi para makuha nila ang saway nga mga lamina.

1 Nefi 3:29