Mga Sugilanon sa Balaan nga mga Kasulatan

Nagpili si Jesus sang Dose ka Disipulo

“Nagpili si Jesus sang Dose ka Disipulo,” Mga Sugilanon sa Libro ni Mormon (2023)

1:57

Nagpili si Jesus sang Dose ka Disipulo

Gahum sa pagtudlo kag pagbunyag

Ginbutang ni Jesucristo ang Iya mga kamot sa ulo sang isa ka disipulo kag ginbendisyunan sia, kag ang mga tawo nagatindog sa palibot nila kag nagapangamuyo

Sang nagkadto si Jesucristo sa siyudad nga Bugana, nagpili Sia sang dose ka tawo kag ginhatagan sila sang gahum sa pagtudlo kag pagbunyag. Ginhatagan man Niya sila sang gahum sa paghatag sang dulot sang Balaan nga Espiritu. Gintawag Niya sila nga Iya mga disipulo. Ginhimo sang mga disipulo ang mga butang nga gintudlo ni Jesus nga ila himuon.

3 Nefi 11:1, 18–22, 41; 12:1; 15:11–12; 18:36–37

Si Jesucristo nga nagatudlo, disipulo nga nagabunyag sang tawo, kag ang iban pa nga disipulo nagapamati kag nagalantaw

Gintudloan ni Jesus ang Iya mga disipulo kon paano magbunyag. Ginhambal Niya sa ila kon ano ang ihambal. Gintudloan Niya sila nga itusmog ang tawo sa tubig kag buligan sila nga pabutwaon liwat sa tubig. Siling ni Jesus nga pirme gid sila magbunyag sa pamaagi nga Iya gintudlo sa ila. Gintudloan man Niya sila parte sa Balaan nga Espiritu.

3 Nefi 11:22–28, 35

Si Jesucristo nga nagaistorya sa isa Niya ka disipulo

Gusto ni Jesus nga magpakigbagay ang Iya mga disipulo sa kada isa kag indi magbinaisay. Siling Niya nga kon magbaisay sila, wala nila ginasunod ang Iya mga pinanudlo.

3 Nefi 11:28–30

Ginauntay ni Jesucristo ang iya mga kamot sa mga tawo, kag ang mga tawo nagayuhum kag nagapamati

Gintudloan ni Jesus ang mga tawo nga magtuo sa Iya, maghinulsol, kag magpabunyag para makaupod nila liwat ang Amay nga Langitnon.

3 Nefi 11:31–33

Si Jesucristo nga nagalakat upod ang Iya mga disipulo kag iban pa nga mga tawo kag ginatudloan sila

Ginhambalan ni Jesus ang Iya nga disipulo nga kon nagapati sila sa Iya, nagapati man sila sa Amay nga Langitnon. Buligan sila sang Balaan nga Espiritu nga mabal-an kon matuod si Jesus kag ang Amay nga Langitnon.

3 Nefi 11:35–36

Si Jesucristo nga nagapungko upod sa Iya mga disipulo kag mga tawo kag ginatudloan sila

Sang matapos ni Jesus ang pagtudlo sa Iya mga disipulo ginsugo Niya sila nga maglakat kag tudloan ang tanan nga katawhan. Siling Niya nga indi nila pagpamensaron kon ano ang ila kaunon, imnon, ukon suksukon. Ginhambal Niya sa ila nga kon ginaserbisyohan nila ang Amay nga Langitnon, atipanon sila sang Amay nga Langitnon.

3 Nefi 11:41; 13:25–34