Si Mormon nga Propeta

Pagsulat sang Libro ni Mormon

madamo nga mga tawo nga nagahimo sang mga armas, kag si Mormon bilang bata kag ang iya nanay nagatindog lapit sa lamisa nga puno sang mga espada

Si Mormon isa ka Nefinhon nga nagapati kay Jesucristo. Nagdako sia sa panahon nga madamo sa mga tawo ang wala nagatuman sang mga kasuguan sang Dios. Nagapangawat ang mga tawo kag nagapinatyanay para sa kuwarta kag poder. Kadamo sang mga giyera.

3 Nefi 5:12–13; 4 Nefi 1:27–49; Mormon 1:1–3, 15, 18–19

Si Amaron nga nagaistorya kay Mormon kag sa iya nanay samtang nagaani sila, kag madamo nga tawo ang nagaobra sa uma sa unhan

Sang si Mormon 10 anyos pa lang, ang tawo nga ginatawag Amaron nagkadto sa iya. Si Amaron ang nagaatipan sang mga rekord sang kasaysayan sang mga Nefinhon. May salig si Amaron kay Mormon kag ginhambalan sia nga ang mga rekord natago sa isa ka bungyod. Siling ni Amaron nga kon mag-24 anyos na si Mormon, dapat isulat ni Mormon ang iya nakita parte sa ila katawhan kag idugang ini sa mga rekord.

4 Nefi 1:47–49; Mormon 1:2–4

ang tin-edyer nga si Mormon nga nagapangamuyo sa kakahuyan, kag may kasanag sa bilog niya nga palibot

Sang nagadako si Mormon, nadumduman niya ang ginapahimo ni Amaron sa iya. Sang 15 anyos si Mormon, ginbisitahan sia sang Ginuo. Natun-an ni Mormon ang parte sa kaayo ni Jesus.

Mormon 1:5, 15

ang tin-edyer nga si Mormon nga nagasuksok sang panaming kag nagatan-aw sa mga soldado nga Nefinhon.

Bisan pa nga hubin pa si Mormon, makusog sia. Ginpili sia sang mga Nefinhon nga magpamuno sa ila mga armada. Palangga ni Mormon ang mga tawo nga hugot sa iya tagipusuon. Gusto niya nga sundon nila ang Dios kag mangin malipayon.

Mormon 2:1–2, 12, 15, 19; 3:12

ang hamtong na nga si Mormon masubo kag nagapangamuyo, ang nagakasunog nga duta ara sa likod nila

Gintinguhaan ni Mormon nga buligan ang mga tawo. Nagapangamuyo Sia para sa ila adlaw-adlaw. Kabalo ang mga tawo nga malain ang ila mga ginapanghimo, pero indi sila maghinulsol. Wala na nagabulig sa ila ang gahum sang Dios. Tungod waay sila sang pagtuo, nag-untat man ang mga milagro. Padayon sila nga nagapakig-away, kag madamo sa ila ang nagkalamatay. Nasubuan gid si Mormon.

Mormon 1:13–14, 16–19; 2:23–27; 3:1–12; 4:5, 9–12; 5:1–7

Si Mormon nga nagasulat kag nagaorganisar sang metal nga mga lamina

Sang mga 24 anyos na si Mormon, nagkadto sia sa bungyod nga gintaguan sang mga rekord. Ginsugdan niya sa pagsulat ang mga istorya kag mga pinanudlo sang mga tawo sa metal nga mga lamina. Ginbuligan sia sang Dios nga mabal-an kon ano ang dapat niya isulat. Madamo nga tinuig nga gin-obra ni Mormon ang mga rekord. Karon, ang ina nga rekord ginatawag nga Libro ni Mormon.

Mga Pulong ni Mormon 1:3–9; Mormon 1:3–4; 2:17–18

si Mormon, ang iya asawa, kag ang ila kabataan nagapanglakaton

Pagkatapos sang madamo nga mga giyera, halos naubos na pamatay sang mga Lamanhon ang mga Nefinhon. Nahibal-an ni Mormon nga maubos gid ang iya katawhan sa indi madugay. Nasubuan sia kay wala sila naghinulsol kag nangayo sang bulig sa Dios. Pero nangamuyo sia kag ginpangayo sa Dios nga amligan ang mga lamina. Kabalo sia nga maamligan ang mga lamina tungod unod sini ang mga pulong sang Dios.

Mga Pulong ni Mormon 1:11; Mormon 5:11; 6:6, 16–22

Si Mormon nga tigulang na nga nagahatag sa iya bata nga si Moroni sang metal nga mga lamina

Gusto ni Mormon nga magpati ang mga tawo kay Jesus. Nagalaum sia nga madamo nga mga tawo ang magabasa sang libro sa pila ka adlaw. Mas gusto gid niya nga basahon ini sang mga Lamanhon sa pila ka adlaw. Kon himuon nila ini, makatuon gid sila parte kay Jesus. Antes napatay si Mormon, ginhatag niya ang mga lamina sa iya bata nga si Moroni para mahalungan ini.

Mga Pulong ni Mormon 1:1–2; Mormon 3:17–22; 5:8–24; 6:6; 7; 8:1