Nagpanagtag si Jesus sang Sakramento

Padayon nga magdumdom sa Iya

Si Jesucristo nga nagahambal sa dako nga grupo sang mga tawo, kag ang Iya mga disipulo nagadala sang tinapay kag mga tibod sang alak sa Iya

Pagkatapos nga ginpang-ayo ni Jesus ang mga masakiton kag ginbendisyunan ang magagmay nga kabataan, ginpakilala Niya ang sakramento sa tanan nga tawo nga nagatililipon para mamati sa Iya. Ginpangabay Niya ang Iya mga disipulo nga magdala sang tinapay kag alak.

3 Nefi 17; 18:1–2

Si Jesucristo nga ginasipad-sipad ang tinapay kag ginahatag ang tinapay sa Iya mga disipulo

Ginsipad-sipad ni Jesus ang tinapay kag ginbendisyunan. Ginhatag Niya ini sa mga disipulo para kaunon. Ginsugo Niya ang Iya mga disipulo nga ihatag ang tinapay sa tanan nga tawo.

3 Nefi 18:3–4, 6

Si Jesucristo nga ginauyatan ang sinipad nga tinapay, kag ang mga imahe sang krus kag bakante nga lulubngan sa Iya likod

Siling ni Jesus nga ang tanan nga nagapati sa Iya kag nabunyagan dapat magkaon sang tinapay. Samtang ginahimo nila ini, dapat nila panumdumon ang Iya lawas. Ginpadumdom Niya ang mga tawo parte sang ginhikap nila ang mga agi sang lansang sa Iya mga kamot kag tiil kag ang pilas sa Iya kilid.

3 Nefi 11:14–15; 18:3–7

Ginhatagan ni Jesucristo ang isa sa Iya mga disipulo sang tasa nga may alak

Dayon ginhatagan ni Jesus ang Iya mga disipulo sang alak para imnon. Ginsugo Niya ang Iya mga disipulo nga ihatag ang alak sa tanan nga tawo.

3 Nefi 18:8–9

Si Jesucristo nga nagaluhod kag nagapangamuyo sa Hardin sang Getsemani

Siling ni Jesus nga ang tanan nga naghinulsol kag nabunyagan dapat mag-inom sang alak. Ginpangabay Niya ang tanan nga nag-inom sang alak nga panumdumon ang Iya dugo. Ginpadumdom Niya sila nga ginhatag Niya ang Iya dugo sang nag-antos Sia kag napatay para sa ila.

3 Nefi 18:11

Si Jesucristo nga nagahambal sa mga tawo

Siling ni Jesus nga ang pagkaon sang tinapay kag pag-inom sang alak isa ka kasugoan. Sa pagkaon sang tinapay kag pag-inom sang alak, ginapakita sang mga tawo sa Amay nga Langitnon nga gusto nila nga sundon ang Iya mga kasugoan kag panumdumon si Jesus. Nagsiling si Jesus nga pagabugayan sila sang Balaan nga Espiritu kon himuon nila ining mga butang.

3 Nefi 18:7, 10–14

Si Jesucristo nga nagahambal sa mga tawo, kag nagayuhum sila sa Iya

Pagkatapos nga nagkaon ang mga tawo sang tinapay kag nag-inom sang alak, napuno sila sang Balaan nga Espiritu. Dayon gindayaw sang mga tawo si Jesus.

3 Nefi 18:4–5, 9; 20:9