Alma 51–52

Si Teancum

Pagprotekta sang iya katawhan

Si Teancum nga nagaistorya kay Kapitan Moroni sa kampo

Si Teancum amo ang lider sang mga soldado ni Kapitan Moroni. Ginatinguhaan niya nga protektahan ang mga siyudad nga Nefinhon sa mga Lamanhon.

Alma 50:35; 52:19

Si Amalikia kag ang mga soldado nga Lamanhon nga may mga armas

Si Amalikia isa ka Nefinhon sang una nga nangin hari sang mga Lamanhon. Gusto man niya nga pamunoan ang mga Nefinhon. Gin-atake niya ang nga Nefinhon kag gin-agaw ang madamo nga siyudad.

Alma 47:1, 35; 48:1–4; 51:23–28

Nefinhon nga mga soldado nga nagamartsa

Naglakat ang mga soldado ni Teancum para punggan ang mga soldado ni Amalikia sa pagpang-atake sang mga siyudad sang mga Nefinhon.

Alma 51:28–30

ang mga soldado nag-atubangay sa pagtunod sang adlaw

Nag-inaway ang mga soldado sa bilog nga adlaw. Nag-away si Teancum kag ang iya mga soldado nga mas may kusog kag abilidad sangsa mga soldado ni Amalikia. Pero wala sang nagdaog sa ila. Sang magdulom na, nag-untat ang mga soldado sa pagpakig-away para magpahuway.

Alma 51:31—32

Nagapungko si Teancum sa atubang sang dabok sang kampo

Pero wala magpahuway si Teancum. Sia kag ang iya suluguon sekreto nga nagkadto sa kampo ni Amalikia.

Alma 51:33

Si Teancum nga nagatindog sa idalom sang kasanag sang bulan sa tolda ni Amalikia

Sekreto nga nagsulod si Teancum sa tolda ni Amalikia. Ginpatay niya si Amalikia antes pa makabugtaw si Amalikia. Dayon nagbalik si Teancum sa iya kampo kag ginhambalan ang iya mga soldado nga maghanda sa pag-away.

Alma 51:33–36

Nagbugtaw ang mga Lamanhon kag ginkulbaan

Sang magbugtaw ang mga Lamanhon, nakita nila si Amalikia nga patay na. Nakita man nila si Teancum kag ang iya mga soldado nga handa sa pag-away sa ila.

Alma 52:1

Ang mga Lamanhon nagpalagyo sa mga soldado ni Teancum

Ginhadlukan ang mga Lamanhon kag nagpinalagyo. Ang plano ni Teancum naghatag sang kahadlok sa mga Lamanhon para sulungon pa ang iban nga mga siyudad sang mga Nefinhon. May tiyempo na karon si Teancum para pabaskugon ang mga siyudad sang mga Nefinhon. Nagpangabudlay sia para protektahan ang iya katawhan. Naamligan niya ang madamo nga siyudad sang mga Nefinhon.

Alma 52:2–10