Si Alma kag si Korihor

Pagtuo nga ang Dios matuod

Nagayuhum si Korihor kag nagapakighambal sa isa ka tawo samtang nagalakat sila sa masako nga dalanon

Isa ka tawo nga ang ngalan Korihor nagkadto sa kadutaan sang Zarahemla. Ginhambalan niya ang mga tawo nga ang Dios kag si Jesucristo indi matuod.

Alma 30:6, 12, 37–38, 45

Nagayuhum si Korihor kag ginpaypay ang masubo nga bata

Siling ni Korihor nga mahibal-an lang sang mga tawo ang isa ka butang kon makita nila ini. Ginyaguta niya ang mga tawo nga nagapati kay Jesus.

Alma 30:13–16

Nagayuhum si Korihor kag nagahambal sa gatinumpok nga mga tawo

Siling ni Korihor nga indi kinahanglan sang mga tawo ang kasuguan sang Dios. Siling niya nga pwede himuon sang mga tawo ang bisan ano nga gusto nila . Madamo nga tawo ang nagpati sa iya. Nagdesisyon sila nga maghimo sang kalainan.

Alma 30:17–18

Si Korihor nga gingapos kag ginapagwa sa baryo sang mga soldado

Gintilawan ni Korihor nga tudloan ang mga Anti-Nefi-Lehi, pero indi sila magpati sa iya. Ginhigtan sia nila kag gintabog. Sa baylo naglakat sia sa kadutaan sang Gideon. Gingapos man sia sang mga tawo didto. Ginpadala nila sia kay Alma.

Alma 30:19–29

Nagayuhum si Korihor kag ginapaypay si Alma

Siling ni Korihor kay Alma nga indi matuod ang Dios. Siling niya nga si Alma kag ang iban nga mga pari nagabinutig sa mga tawo. Hambal ni Korihor nga ginapasunod nila ang mga tawo sa binuang-buang nga mga tradisyon. Siling man niya nga ginapangwartahan lang nila ang mga tawo. Kahibalo si Alma nga indi ini matuod. Nagapati sia sa Dios kag kay Jesus.

Alma 30:30–40

Nagahambal si Alma sa grupo sang mga tawo samtang nagapungko si Korihor sa likod nga nagakursimano.

Siling ni Alma nga ang mga propeta kag ang tanan sa kalibutan nagabulig sa mga tawo nga mahibal-an nga matuod ang Dios. Gusto ni Korihor sang dugang nga pamatuod. Siling ni Alma nga hatagan niya si Korihor sang pamatuod. Siling niya nga himuon sang Dios si Korihor nga indi makahambal. Sang paghambal ni Alma sini, indi na makahambal si Korihor.

Alma 30:41–50

Masinulub-on si Korihor kag nagatudlo sa papel nga may sulat samtang ang grupo sang mga tawo nagapalayo sa iya

Ginsulat ni Korihor nga nakahibalo sia nga matuod ang Dios. Dugay na sia nga nakahibalo sini. Ginsulat niya nga gin-into sia sang yawa. Ginsugo sang yawa si Korihor nga magtudlo sang kabutigan parte sa Dios kag kay Jesus. Sang mahibal-an sang mga tawo ang matuod parte kay Korihor, wala na sila magpati sa iya mga ginatudlo. Naghinulsol sila kag nagsugod liwat sa pagsunod kay Jesus.

Alma 30:52–53, 57–58