Ang mga Anti-Nefi-Lehi

Mga tawo nga nagpili nga palanggaon ang ila mga kaaway

Ginatudloan ni Amon ang mga tawo sa idalom sang kahoy

Madamo nga mga Lamanhon ang nakahibalo parte sa Dios halin kay Amon kag sa iya mga utod. Ini nga mga Lamanhon may mabaskog nga pagtuo sa Ginuo kag nagsunod sa mga kasuguan sang Dios. Gusto nila sang bag-o nga ngalan, gani gintawag nila ang ila kaugalingon nga mga Anti-Nefi-Lehi imbes nga mga Lamanhon.

Alma 23:3–7, 16–17

Mga pamilya nga nagapamati kay Amon nga nagatudlo

Nagbag-o ang mga Anti-Nefi-Lehi tungod sang ila pagtuo sa Dios. Ginhinulsulan nila ang malain nga mga ginapanghimo nila sadto. Nahibal-an nila nga palangga sila sang Dios kag ginapatawad sila.

Alma 24:8–14

Ginpanghaboy sang mga Anti-Nefi-Lehi ang mga armas sa buho

Nangakig ang mga Lamanhon kag naghanda para sulungon ang mga Anti-Nefi-Lehi. Imbes nga magbato, naghimo ang mga Anti-Nefi-Lehi sang promisa sa Dios. Siling nila nga indi na sila liwat magpanakit sang mga tawo. Para ipakita ini, ginlubong nila ang ila mga armas. Ginpili nila nga palanggaon ang ila mga kaaway imbes nga sakiton ukon pamatyon sila.

Alma 24:1–19; 26:31–34

Akig nga Lamanhon nga nagauyat sang armas

Gin-atake sang mga Lamanhon nga wala nagpati sa Dios ang mga Anti-Nefi-Lehi.

Alma 24:20

Duha ka Anti-Nefi-Lehi nga nagaluhod sa pagpangamuyo

Ang mga Anti-Nefi-Lehi may pagtuo nga kon mapatay sila, magakabuhi sila upod sa Dios. Gintuman nila ang ila promisa sa Dios kag wala nagbato sa mga Lamanhon.

Alma 24:16, 21

Ang mga Lamanhon nag-untat sa pagpang-atake

Imbes nga magbato, nagpangamuyo ang mga Anti-Nefi-Lehi. Sang makita ini sang mga Lamanhon, madamo sa ila ang nag-untat sa pagpang-atake. Nakonsensya sila tungod ginpamatay nila ang mga tawo. Ato nga mga Lamanhon nagpili man nga indi na liwat magpangsakit sang mga tawo. Nag-upod sila sa mga Anti-Nefi-Lehi.

Alma 24:21–27; 25:13–16

Si Amon kag ang mga Anti-Nefi-Lehi nagapanglakaton

Sang nagadugay ang panahon, mas madamo pa gid nga mga tawo ang nagapang-atake. Nasubuan si Amon kag ang iya mga utod kay nagaantos ang mga Anti-Nefi-Lehi. Ginpangabay nila ang hari nga dalhon ang iya katawhan para mag-istar upod sa mga Nefinhon. Siling sang hari nga malakat sila kon gusto sang Ginuo nga malakat sila. Nagpangamuyo si Amon. Siling sang Ginuo nga maglakat sila kag protektahan Niya sila.

Alma 27:2–15

Ginbaton sing maayo sang mga Nefinhon ang katawhan nga Anti-Nefi-Lehi

Ginhatagan sang mga Nefinhon ang mga Anti-Nefi-Lehi sang duta nga maistaran kag ginprotektahan sila. Sa baylo, hatagan sang mga Anti-Nefi-Lehi ang mga Nefinhon sang pagkaon. Dako ang pagtuo sang mga Anti-Nefi-Lehi kag palangga nila ang Dios. Tampad sila sa tanan kag gintuman ang ila promisa nga indi na makig-away. Tampad sila sa bilog nila nga kabuhi.

Alma 27:20–30