ອັບຣາຮາມ ແລະ ນາງຊາຣາ

ຄຳສັນຍາເພື່ອເປັນພອນໃຫ້ແກ່ຄອບຄົວມະນຸດຊາດ

ອັບຣາຮາມໄດ້ອາໄສຢູ່ໃນເມືອງອູເຣ. ພວກປະໂລຫິດທີ່ຊົ່ວຮ້າຍຢູ່ທີ່ນັ້ນຢາກຖວາຍເພິ່ນໃຫ້ກັບຮູບເຄົາລົບຂອງພວກເຂົາ. ອັບຣາຮາມໄດ້ອະທິຖານ, ແລະ ພຣະຜູ້ເປັນເຈົ້າໄດ້ຊ່ວຍຊີວິດເພິ່ນໄວ້.

ອັບຣາຮາມ 1:1–20

ຮູບພາບ

ອັບຣາຮາມ ແລະ ນາງຊາຣາອອກເດີນທາງດ້ວຍໂຕອູດ

ແລ້ວພຣະຜູ້ເປັນເຈົ້າໄດ້ບັນຊາອັບຣາຮາມ ແລະ ນາງຊາຣາ ເມຍຂອງເພິ່ນໃຫ້ໜີໄປຈາກເມືອງອູເຣ ແລະ ເດີນທາງໄປຍັງດິນແດນທີ່ຢູ່ຫ່າງໄກ. ພຣະອົງໄດ້ສັນຍາວ່າຈະໃຫ້ພອນແກ່ພວກເພິ່ນໃນການເດີນທາງ.

ປະຖົມມະການ 12:1–3; ອັບຣາຮາມ 2:2–4

ຮູບພາບ

ອັບຣາຮາມ ແລະ ນາງຊາຣາກຳລັງດູແລຝູງສັດ

ອັບຣາຮາມ ແລະ ນາງຊາຣາໄດ້ໄວ້ວາງໃຈໃນພຣະຜູ້ເປັນເຈົ້າ ແລະ ໜີຈາກເມືອງອູເຣ. ແຕ່ພວກເພິ່ນຮູ້ສຶກເສົ້າໃຈຍ້ອນວ່າພວກເພິ່ນບໍ່ສາມາດມີລູກໄດ້. ພຣະຜູ້ເປັນເຈົ້າໄດ້ປອບໂຍນພວກເພິ່ນ. ພຣະອົງສັນຍາວ່າ ພວກເພິ່ນຈະມີລູກຄົນໜຶ່ງ.

ປະຖົມມະການ 11:30–31; 15:1–6; 17:2–16; ອັບຣາຮາມ 2:6–9

ຮູບພາບ

ພຣະເຈົ້າປະກົດຕົວຕໍ່ອັບຣາຮາມ

ອັບຣາຮາມໄດ້ອະທິຖານຫາພຣະຜູ້ເປັນເຈົ້າເພື່ອຮຽນຮູ້ເພີ່ມເຕີມກ່ຽວກັບພຣະອົງ. ພຣະຜູ້ເປັນເຈົ້າໄດ້ມາຢ້ຽມຢາມອັບຣາຮາມ ແລະ ໄດ້ເອີ້ນພຣະອົງເອງວ່າ ເຢໂຮວາ. ພຣະເຢໂຮວາໄດ້ເຮັດພັນທະສັນຍາກັບອັບຣາຮາມ. ພຣະອົງໄດ້ສັນຍາວ່າ ອັບຣາຮາມຈະມີຖານະປະໂລຫິດ. ພຣະອົງຍັງໄດ້ສັນຍາອີກວ່າ ຜ່ານທາງຄອບຄົວຂອງອັບຣາຮາມ, ຄອບຄົວທັງໝົດຂອງແຜ່ນດິນໂລກຈະໄດ້ຮັບພອນ.

ອັບຣາຮາມ 2:6–11

ຮູບພາບ

ອັບຣາຮາມ ແລະ ນາງຊາຣາເດີນທາງດ້ວຍໂຕອູດ

ຂະນະທີ່ອັບຣາຮາມ ແລະ ນາງຊາຣາເດີນທາງຢູ່ນັ້ນ, ພວກເພິ່ນຕ້ອງຊອກຫາອາຫານ. ພວກເພິ່ນພະຍາຍາມອາໄສຢູ່ໃນດິນແດນທີ່ເອີ້ນວ່າ ການາອານ. ຢູ່ທີ່ນັ້ນບໍ່ມີອາຫານ, ດັ່ງນັ້ນພວກເພິ່ນຈຶ່ງຕ້ອງໄປປະເທດເອຢິບ. ແຕ່ວ່າການດຳລົງຊີວິດຢູ່ປະເທດເອຢິບນັ້ນອັນຕະລາຍສຳລັບພວກເພິ່ນ.

ປະຖົມມະການ 12:10–20; ອັບຣາຮາມ 2:21–25

ຮູບພາບ

ອັບຣາຮາມ ແລະ ນາງຊາຣາແນມເບິ່ງຝູງສັດ

ອັບຣາຮາມ ແລະ ນາງຊາຣາໄດ້ໜີຈາກປະເທດເອຢິບ ແລະ ກັບຄືນມາອາໄສຢູ່ການາອານ. ພວກເພິ່ນໄດ້ເອົາອາຫານ ແລະ ສັດຈຳນວນໜຶ່ງຈາກປະເທດເອຢິບກັບມານຳ. ການາອານເປັນພາກສ່ວນໜຶ່ງຂອງດິນແດນທີ່ພຣະຜູ້ເປັນເຈົ້າສັນຍາໄວ້ກັບພວກເພິ່ນ.

ປະຖົມມະການ 13:1–4, 12; ອັບຣາຮາມ 2:19

ຮູບພາບ

ເມນຄີເສເດັກກຳລັງເວົ້າລົມກັບອັບຣາຮາມ ແລະ ນາງຊາຣາ

ພຣະຜູ້ເປັນເຈົ້າກໍໄດ້ຮັກສາຄຳສັນຍາຂອງພຣະອົງ ວ່າອັບຣາຮາມຈະໄດ້ຮັບຖານະປະໂລຫິດ. ມື້ໜຶ່ງ ອັບຣາຮາມ ແລະ ນາງຊາຣາໄດ້ພົບກັບກະສັດທີ່ຊອບທຳອົງໜຶ່ງຊື່ວ່າ ເມນຄີເສເດັກ. ອັບຣາຮາມໄດ້ຈ່າຍສ່ວນສິບໃຫ້ເພິ່ນ.

ປະຖົມມະການ 14:18–24; ແອວມາ 13:15

ຮູບພາບ

ເມນຄີເສເດັກກຳລັງມອບພອນໃຫ້ແກ່ອັບຣາຮາມ

ອັບຣາຮາມໄດ້ຮັບຖານະປະໂລຫິດຈາກເມນຄີເສເດັກ. ນີ້ແມ່ນຖານະປະໂລຫິດອັນດຽວກັນກັບທີ່ສາດສະດາອາດາມ ແລະ ສາດສະດາໂນອາໄດ້ຮັບ.

ການແປຂອງໂຈເຊັບ ສະມິດ, ປະຖົມມະການ 14:36–40; ອັບຣາຮາມ 1:2–4; ຄຳສອນ ແລະ ພັນທະສັນຍາ 84:14

ຮູບພາບ

ອັບຣາຮາມ ແລະ ນາງຊາຣາ

ອັບຣາຮາມ ແລະ ນາງຊາຣາມີຄວາມສຸກຢູ່ໃນການາອານ, ແຕ່ພວກເພິ່ນຍັງເປັນກັງວົນຍ້ອນວ່າພວກເພິ່ນບໍ່ມີລູກ. ພວກເພິ່ນໄດ້ໄວ້ວາງໃຈໃນຄຳສັນຍາຂອງພຣະຜູ້ເປັນເຈົ້າ ວ່າມື້ໜຶ່ງຄອບຄົວຂອງພວກເພິ່ນຈະເຕີບໂຕ ແລະ ເປັນພອນໃຫ້ທັງແຜ່ນດິນໂລກ.

ປະຖົມມະການ 13:12; 15:3–6