“ສາດສະດາເອລີຊາ,” ເລື່ອງພຣະຄຳພີເດີມ (2022)
“ສາດສະດາເອລີຊາ,” ເລື່ອງພຣະຄຳພີເດີມ
2 ກະສັດ 2; 4
ສາດສະດາເອລີຊາ
ການອັດສະຈັນຂອງພຣະຜູ້ເປັນເຈົ້າ
ຜ່ານທາງສາດສະດາເອລີຢາ, ພຣະຜູ້ເປັນເຈົ້າໄດ້ກະກຽມເອລີຊາໃຫ້ເປັນສາດສະດາຄົນຕໍ່ໄປ. ແລ້ວພຣະຜູ້ເປັນເຈົ້າໄດ້ເອົາເອລີຢາຂຶ້ນໄປສະຫວັນ.
ພຣະຜູ້ເປັນເຈົ້າໄດ້ຊ່ວຍເອລີຊາເຮັດການອັດສະຈັນຫລາຍຢ່າງ. ມີເທື່ອໜຶ່ງເອລີຊາໄດ້ອວຍພອນຜູ້ຍິງທີ່ຍາກຈົນຄົນໜຶ່ງໃຫ້ມີນ້ຳມັນຫລາຍໆແກ້ວ. ແລ້ວຜູ້ຍິງຄົນນັ້ນໄດ້ເອົານ້ຳມັນເຫລົ່ານັ້ນໄປຂາຍເພື່ອໃຊ້ໜີ້.
ມີອີກເທື່ອໜຶ່ງ, ຜູ້ຍິງທີ່ຊື່ສັດຄົນໜຶ່ງໄດ້ຮັບໃຊ້ເອລີຊາ ແລະ ດີຕໍ່ເພິ່ນຫລາຍທີ່ສຸດ. ເອລີຊາໄດ້ຖາມວ່າ ນາງຢາກໃຫ້ເພິ່ນຊ່ວຍນາງແນວໃດແດ່. ນາງຢາກມີລູກ. ເອລີຊາໄດ້ອວຍພອນນາງກັບສາມີຂອງນາງ ໃຫ້ມີລູກຊາຍຄົນໜຶ່ງ.
ແຕ່ຫລັງຈາກສອງສາມປີ, ລູກຊາຍໄດ້ລົ້ມປ່ວຍ ແລະ ຕາຍໄປ. ຜູ້ຍິງຄົນນັ້ນໄດ້ໄປຊອກຫາເອລີຊາ ຍ້ອນວ່ານາງມີສັດທາວ່າ ເພິ່ນສາມາດຊ່ວຍໂຜດລູກຊາຍຂອງນາງໄດ້. ເອລີຊາໄດ້ມາ ແລະ ອວຍພອນທ້າວນ້ອຍ, ແລະ ລາວໄດ້ມີຊີວິດຄືນອີກ. ພຣະຜູ້ເປັນເຈົ້າໄດ້ຊ່ວຍເອລີຊາເຮັດການອັດສະຈັນຫລາຍຢ່າງ. ເພິ່ນເປັນສາດສະດາທີ່ຍິ່ງໃຫຍ່ຄົນໜຶ່ງຂອງພຣະຜູ້ເປັນເຈົ້າ.