ໂນອາ ແລະ ຄອບຄົວຂອງເພິ່ນ

ເຮືອ, ນ້ຳຖ້ວມ, ແລະ ຄຳສັນຍາຂອງພຣະຜູ້ເປັນເຈົ້າ

ໂນອາ ແລະ ຄອບຄົວຂອງເພິ່ນເຊື່ອຟັງພຣະຜູ້ເປັນເຈົ້າ. ຄົນອື່ນທັງໝົດຊົ່ວຮ້າຍຫລາຍທີ່ສຸດ. ພຣະຜູ້ເປັນເຈົ້າໄດ້ບອກໂນອາວ່ານ້ຳຈະຖ້ວມແຜ່ນດິນໂລກ ຖ້າຫາກຜູ້ຄົນບໍ່ກັບໃຈ.

ປະຖົມມະການ 6:5–13; ໂມເຊ 8:13–17

ໂນອາໄດ້ສິດສອນຜູ້ຄົນວ່າພຣະຜູ້ເປັນເຈົ້າຮັກພວກເຂົາ ແລະ ປະສົງໃຫ້ພວກເຂົາກັບໃຈ ແລະ ມີສັດທາໃນພຣະເຢຊູຄຣິດ. ພວກເຂົາບໍ່ໄດ້ເຊື່ອຟັງ.

ໂມເຊ 8:19–30

ໂນອາໂສກເສົ້າທີ່ຜູ້ຄົນບໍ່ກັບໃຈ. ພຣະຜູ້ເປັນເຈົ້າໄດ້ບອກໂນອາໃຫ້ສ້າງເຮືອໃຫຍ່. ເຮືອນັ້ນຈະຮັກສາຄອບຄົວຂອງໂນອາໃຫ້ປອດໄພລະຫວ່າງນ້ຳຖ້ວມ.

ປະຖົມມະການ 6:14–18; ໂມເຊ 8:25

ຄອບຄົວຂອງໂນອາໄດ້ນຳອາຫານເຂົ້າເຮືອ. ພຣະຜູ້ເປັນເຈົ້າໄດ້ສົ່ງສັດແຕ່ລະຊະນິດຢ່າງໜ້ອຍໜຶ່ງຄູ່ ມາໃຫ້ໂນອາ. ສັດສາວາສິ່ງໄດ້ເຂົ້າໄປໃນເຮືອ, ແລະ ເຈັດມື້ຈາກນັ້ນ ຝົນກໍໄດ້ຕົກລົງມາ.

ປະຖົມມະການ 6:18–22; 7:1–9

ເປັນດັ່ງທີ່ພຣະຜູ້ເປັນເຈົ້າໄດ້ເຕືອນ, ຝົນໄດ້ຕົກເປັນເວລາ 40 ມື້ ແລະ 40 ຄືນ. ນ້ຳໄດ້ຖ້ວມແຜ່ນດິນໂລກ.

ປະຖົມມະການ 7:6–23

ຄອບຄົວຂອງໂນອາ ແລະ ສັດສາວາສິ່ງທັງໝົດຢູ່ໃນເຮືອຢ່າງປອດໄພ ຢູ່ເທິງນ້ຳ.

ປະຖົມມະການ 7:24; 8:1–3

ໂນອາ, ຄອບຄົວ, ແລະ ສັດສາວາສິ່ງຢູ່ເທິງແຜ່ນດິນ

ເມື່ອນ້ຳຖ້ວມໄດ້ສິ້ນສຸດລົງ, ເຮືອກໍຢຸດຢູ່ເທິງດິນແຫ້ງ. ໂນອາ ແລະ ຄອບຄົວຂອງເພິ່ນໄດ້ສ້າງແທ່ນບູຊາ ເພື່ອນະມັດສະການພຣະຜູ້ເປັນເຈົ້າ ແລະ ໄດ້ຂອບພຣະໄທພຣະອົງສຳລັບການປົກປັກຮັກສາເຂົາເຈົ້າ. ພຣະຜູ້ເປັນເຈົ້າໄດ້ສັນຍາວ່າ ຈະບໍ່ໃຫ້ນ້ຳຖ້ວມໂລກອີກຈັກເທື່ອ. ພຣະອົງໄດ້ສົ່ງຮຸ້ງກິນນ້ຳມາ ເພື່ອເຕືອນເຮົາເຖິງຄຳສັນຍາຂອງພຣະອົງ.

ປະຖົມມະການ 8:13–22; 9:8–17