“ນາງຣາຮາບ ແລະ ພວກນັກສືບ,” ເລື່ອງພຣະຄຳພີເດີມ (2022)
“ນາງຣາຮາບ ແລະ ພວກນັກສືບ,” ເລື່ອງພຣະຄຳພີເດີມ
ນາງຣາຮາບ ແລະ ພວກນັກສືບ
ການເລືອກທີ່ຊ່ວຍຊີວິດຄອບຄົວ
ຜູ້ຍິງຄົນໜຶ່ງຊື່ ຣາຮາບ ໄດ້ອາໄສຢູ່ເມືອງເຢຣິໂກ ກ່ອນມັນຖືກຊາວອິດສະຣາເອນຍຶດຄອງ. ນາງໄດ້ຍິນວ່າ ພຣະຜູ້ເປັນເຈົ້າໄດ້ແຍກນ້ຳທະເລແດງໃຫ້ຊາວອິດສະຣາເອນ. ນາງຣາຮາບຮູ້ວ່າ ພຣະຜູ້ເປັນເຈົ້າຢາກຊ່ວຍຊາວອິດສະຣາເອນຕໍ່ສູ້ກັບເມືອງຂອງນາງ. ຜູ້ຄົນໃນເມືອງເຢຣິໂກເປັນຄົນຊົ່ວຮ້າຍ.
ສາດສະດາໂຢຊວຍໄດ້ນຳພາກອງທັບອິດສະຣາເອນ. ເພິ່ນໄດ້ສົ່ງນັກສືບສອງຄົນໄປເມືອງເຢຣິໂກ. ແຕ່ມີຄົນເຫັນພວກນັກສືບ, ແລະ ກະສັດຂອງເມືອງເຢຣິໂກໄດ້ສົ່ງພວກທະຫານຍາມໄປຈັບພວກເຂົາ.
ພວກນັກສືບໄດ້ມາເຮືອນຂອງນາງຣາຮາບ. ນາງຣາຮາບໄດ້ຕົກລົງຊ່ວຍເຫລືອພວກນັກສືບ, ສະນັ້ນນາງຈຶ່ງໄດ້ເຊື່ອງພວກເຂົາໄວ້ຢູ່ເທິງຫລັງຄາພຽງຂອງນາງ.
ຄົນຂອງກະສັດໄດ້ຄົ້ນເຮືອນນາງຣາຮາບ ແຕ່ກໍບໍ່ພົບພວກນັກສືບ. ຫລັງຈາກພວກທະຫານຍາມໄດ້ອອກໄປແລ້ວ, ນາງຣາຮາບຂໍໃຫ້ພວກນັກສືບປົກປ້ອງຄອບຄົວຂອງນາງ ເມື່ອກອງທັບຂອງພວກເຂົາມາຕໍ່ສູ້ກັບເມືອງເຢຣິໂກ. ພວກນັກສືບໄດ້ສັນຍາກັບນາງຣາຮາບວ່າ ຄອບຄົວຂອງນາງຈະປອດໄພ. ແລ້ວນາງຣາຮາບໄດ້ໂຍນເຊືອກອອກຈາກປ່ອງຢ້ຽມຂອງນາງ ເພື່ອວ່າພວກນັກສືບຈະໄດ້ໃຊ້ເພື່ອຫລົບໜີໄປ.
ພວກນັກສືບໄດ້ກັບມາບອກສາດສະດາໂຢຊວຍ ແລະ ບອກກອງທັບອິດສະຣາເອນວ່າ ບໍ່ໃຫ້ທຳຮ້າຍຄົນໃດໃນຄອບຄົວຂອງນາງຣາຮາບ. ຕໍ່ມາ, ເມື່ອຊາວອິດສະຣາເອນໄດ້ໄປຕໍ່ສູ້ກັບເມືອງເຢຣິໂກ, ພວກເຂົາໄດ້ຮັກສາຄຳສັນຍາທີ່ໄດ້ເຮັດໄວ້ກັບນາງຣາຮາບ. ຄວາມກ້າຫານຂອງນາງຣາຮາບໄດ້ຊ່ວຍຊີວິດຂອງຄອບຄົວຂອງນາງໄວ້. ຄອບຄົວຂອງນາງໄດ້ເຂົ້າຮ່ວມຜູ້ຄົນຂອງພຣະຜູ້ເປັນເຈົ້າ.