ສາດສະດາເຢເຣມີຢາ

ໄດ້ຖືກເອີ້ນກ່ອນເພິ່ນມາເກີດ

ເຢເຣມີຢາໄດ້ອາໄສຢູ່ເມືອງເຢຣູຊາເລັມຕອນເພິ່ນຍັງນ້ອຍ. ມື້ໜຶ່ງ ພຣະຜູ້ເປັນເຈົ້າໄດ້ມາຫາເຢເຣມີຢາ ແລະ ໄດ້ເອີ້ນເພິ່ນໃຫ້ເປັນສາດສະດາ. ພຣະຜູ້ເປັນເຈົ້າໄດ້ບອກເຢເຣມີຢາວ່າ ເພິ່ນຖືກເລືອກໃຫ້ເປັນສາດສະດາກ່ອນເພິ່ນໄດ້ມາເກີດ. ພຣະຜູ້ເປັນເຈົ້າຮູ້ວ່າ ຊີວິດຂອງເຢເຣມີຢາຈະຍາກລຳບາກ. ແຕ່ພຣະອົງໄດ້ສັນຍາກັບເຢເຣມີຢາວ່າ ພຣະອົງຈະສະຖິດຢູ່ກັບເພິ່ນສະເໝີ.

ເຢເຣມີຢາ 1:1–10

ຜູ້ຄົນໃນເມືອງເຢຣູຊາເລັມບໍ່ຮັກສາຄຳສັນຍາຂອງພວກເຂົາກັບພຣະຜູ້ເປັນເຈົ້າ. ຍ້ອນຄວາມຊົ່ວຮ້າຍຂອງພວກເຂົາ, ເຢເຣມີຢາຈຶ່ງໄດ້ເຕືອນຜູ້ຄົນວ່າ ພວກເຂົາຈະຖືກຍຶດຄອງ. ພຣະຜູ້ເປັນເຈົ້າໄດ້ກ່າວວ່າ ຖ້າຫາກພວກເຂົາຮັກສາວັນຊະບາໂຕໃຫ້ສັກສິດ, ເມືອງເຢຣູຊາເລັມຈະບໍ່ຖືກທຳລາຍ. ແຕ່ຜູ້ຄົນບໍ່ຟັງ.

ເຢເຣມີຢາ 6:1–19; 8–9; 17:21–27

ເຢເຣມີຢາໄດ້ສິດສອນຜູ້ຄົນເປັນເວລາຫລາຍປີ. ແຕ່ພວກເຂົາບໍ່ໄດ້ກັບໃຈ. ກົງກັນຂ້າມ, ພວກເຂົາໄດ້ທຳຮ້າຍເພິ່ນ ແລະ ໄດ້ໂຍນເພິ່ນເຂົ້າຄຸກ.

ເຢເຣມີຢາ 20:2; 26:8–9; 37:15–18; 38:6

ເຢເຣມີຢາກຳລັງເບິ່ງເມືອງເຢຣູຊາເລັມຖືກທຳລາຍ

ເຢເຣມີຢາຮັກຜູ້ຄົນ. ເພິ່ນຮ້ອງໄຫ້ເພາະບາບຂອງພວກເຂົາ. ດັ່ງທີ່ເພິ່ນໄດ້ກ່າວ, ເມືອງເຢຣູຊາເລັມໄດ້ຖືກທຳລາຍ, ແລະ ຜູ້ຄົນໄດ້ຖືກຈັບໄປ.

ເຢເຣມີຢາ 9:1–8; 25:9–12; 52:1–10

ເຢເຣມີຢາໄດ້ຖືກພາໄປປະເທດເອຢິບ. ພຣະຜູ້ເປັນເຈົ້າໄດ້ບອກເພິ່ນໃຫ້ຂຽນຄຳທຳນາຍຂອງເພິ່ນໄວ້. ເຢເຣມີຢາໄດ້ເຊື່ອຟັງພຣະຜູ້ເປັນເຈົ້າແມ່ນແຕ່ໃນຍາມລຳບາກຍາກເຂັນ. ເພິ່ນໄດ້ສືບຕໍ່ບອກຜູ້ຄົນຂອງເພິ່ນໃຫ້ຮັກສາຄຳສັນຍາຂອງພວກເຂົາກັບພຣະຜູ້ເປັນເຈົ້າ.

ເຢເຣມີຢາ 36:1–2, 27–32