“ອາດາມ ແລະ ເອວາ,” ເລື່ອງພຣະຄຳພີເດີມ (2022)
“ອາດາມ ແລະ ເອວາ,” ເລື່ອງພຣະຄຳພີເດີມ
ປະຖົມມະການ 2–3; ໂມເຊ 3–5; ອັບຣາຮາມ 5
ອາດາມ ແລະ ເອວາ
ການໄດ້ຮັບປະສົບການໂດຍການເລືອກ
ອາດາມ ແລະ ເອວາໄດ້ເປັນລູກຜູ້ທຳອິດຂອງພຣະບິດາເທິງສະຫວັນທີ່ໄດ້ອາໄສຢູ່ໃນໂລກນີ້. ເຂົາເຈົ້າໄດ້ອາໄສຢູ່ໃນສວນເອເດນທີ່ສວຍງາມ, ເຕັມໄປດ້ວຍພືດພັນ ແລະ ຕົ້ນໄມ້ທຸກຊະນິດ. ພຣະເຈົ້າພຣະບິດາເທິງສະຫວັນຂອງເຮົາ ແລະ ອົງພຣະເຢຊູຄຣິດເຈົ້າ ໄດ້ມາຢ້ຽມຢາມ ແລະ ເວົ້າລົມກັບເຂົາເຈົ້າ.
ປະຖົມມະການ 2:8–9; 3:8; ໂມເຊ 3:8–9; ອັບຣາຮາມ 5:8, 14–19
ພຣະເຈົ້າໄດ້ອະນຸຍາດໃຫ້ເຂົາເຈົ້າກິນໝາກໄມ້ຈາກທຸກຕົ້ນ ຍົກເວັ້ນແຕ່ຕົ້ນນີ້. ຖ້າຫາກເຂົາເຈົ້າກິນຈາກຕົ້ນໄມ້ແຫ່ງຄວາມຮູ້ດີ ແລະ ຮູ້ຊົ່ວ, ເຂົາເຈົ້າຈະຕ້ອງໜີຈາກສວນ ແລະ ຈະຕາຍໃນທີ່ສຸດ. ຊາຕານຕົວະ ອາດາມ ແລະ ເອວາ. ຊາຕານໄດ້ເວົ້າວ່າ ຖ້າຫາກເຂົາເຈົ້າກິນໝາກໄມ້, ເຂົາເຈົ້າຈະຮູ້ຄວາມດີ ແລະ ຄວາມຊົ່ວ ແຕ່ເຂົາເຈົ້າຈະບໍ່ຕາຍ.
ປະຖົມມະການ 2:16–17; 3:1–5; ໂມເຊ 3:9; 4:6–11; ອັບຣາຮາມ 5:9, 12–13
ເອວາເລືອກກິນໝາກໄມ້.
ປະຖົມມະການ 3:5–6; ໂມເຊ 4:12
ເອວາໄດ້ເອົາໝາກໄມ້ໃຫ້ອາດາມກິນ. ລາວກໍເລືອກກິນໝາກໄມ້ຄືກັນ.
ປະຖົມມະການ 3:6–7; ໂມເຊ 4:12
ພຣະເຈົ້າ ແລະ ພຣະຜູ້ເປັນເຈົ້າໄດ້ມາຢ້ຽມຢາມເຂົາເຈົ້າ, ແຕ່ອາດາມ ແລະ ເອວາຢ້ານກົວ ແລະ ໄດ້ລີ້ຢູ່. ພຣະເຈົ້າໄດ້ຖາມວ່າ ເຂົາເຈົ້າໄດ້ກິນໝາກໄມ້ຈາກຕົ້ນໄມ້ແຫ່ງຄວາມຮູ້ດີ ແລະ ຮູ້ຊົ່ວນັ້ນຫລືບໍ່.
ປະຖົມມະການ 3:8–13; ໂມເຊ 4:13–14
ອາດາມ ແລະ ເອວາໄດ້ບອກພຣະເຈົ້າວ່າ ເຂົາເຈົ້າໄດ້ກິນໝາກໄມ້. ຍ້ອນການເລືອກຂອງເຂົາເຈົ້າ, ເຂົາເຈົ້າຈະຕ້ອງໜີຈາກສວນເອເດນ. ເຂົາເຈົ້າໄດ້ຖືກແຍກຈາກພຣະເຈົ້າ, ແຕ່ພຣະອົງມີແຜນສຳລັບເຂົາເຈົ້າ. ບັດນີ້ ເຂົາເຈົ້າຮູ້ຄວາມດີຈາກຄວາມຊົ່ວ ແລະ ສາມາດມີລູກ.
ປະຖົມມະການ 3:16–24; ໂມເຊ 4:15–31
ອາດາມ ແລະ ເອວາໄດ້ສັນຍາທີ່ຈະເຊື່ອຟັງພຣະບັນຍັດທຸກປະການຂອງພຣະເຈົ້າ. ເຂົາເຈົ້າໄດ້ຖືກສິດສອນໃຫ້ຖວາຍສັດ. ຂະນະທີ່ເຂົາເຈົ້າເຊື່ອຟັງ, ເຂົາເຈົ້າໄດ້ຮຽນຮູ້ຕື່ມອີກກ່ຽວກັບພຣະບຸດຂອງພຣະເຈົ້າ ພຣະເຢຊູຄຣິດ. ເຂົາເຈົ້າຊື່ນຊົມຢ່າງຍິ່ງ ຍ້ອນວ່າພຣະອົງຈະຊ່ວຍຄອບຄົວຂອງເຂົາເຈົ້າໃຫ້ກັບຄືນໄປຫາພຣະເຈົ້າ.