“ສາດສະດາໂມເຊ,” ເລື່ອງພຣະຄຳພີເດີມ (2022)
“ສາດສະດາໂມເຊ,” ເລື່ອງພຣະຄຳພີເດີມ
ອົບພະຍົບ 2–3
ສາດສະດາໂມເຊ
ຖືກເອີ້ນໃຫ້ປົດປ່ອຍຜູ້ຄົນຂອງພຣະຜູ້ເປັນເຈົ້າ
ໂມເຊເຕີບໃຫຍ່ຂຶ້ນໃນຖານະລູກຊາຍຂອງລູກສາວຂອງຟາໂຣ. ໂມເຊໄດ້ເຫັນຊາວເອຢິບຂົ່ມເຫັງຊາວອິດສະຣາເອນ. ເພິ່ນໂສກເສົ້າທີ່ຊາວເອຢິບໄດ້ບັງຄັບຊາວອິດສະຣາເອນໃຫ້ເປັນຂ້າທາດຂອງພວກເຂົາ.
ມື້ໜຶ່ງໂມເຊໄດ້ເຫັນຄົນເອຢິບກຳລັງຂ້ຽນຕີຄົນອິດສະຣາເອນ. ເພື່ອປົກປ້ອງຄົນອິດສະຣາເອນ, ໂມເຊໄດ້ຂ້າຄົນເອຢິບ.
ເມື່ອຟາໂຣໄດ້ຍິນເລື່ອງນັ້ນ, ເພິ່ນຢາກຂ້າໂມເຊ, ແຕ່ໂມເຊໄດ້ໜີໄປຈາກປະເທດເອຢິບແລ້ວ.
ໂມເຊໄດ້ໄປເຖິງດິນແດນແຫ່ງໜຶ່ງເອີ້ນວ່າ ມີດີອານ, ບ່ອນທີ່ເພິ່ນໄດ້ພົບກັບຜູ້ຍິງຄົນໜຶ່ງ ຊື່ສິບໂປລາ. ພວກເພິ່ນໄດ້ແຕ່ງງານກັນ ແລະ ມີລູກຫລາຍຄົນ.
ຂະນະທີ່ອາໄສຢູ່ມີດີອານ, ໂມເຊໄດ້ເຫັນຟຸ່ມໄມ້ທີ່ລຸກເປັນໄຟ, ແຕ່ໄຟບໍ່ໄດ້ໄໝ້ຟຸ່ມໄມ້. ພຣະຜູ້ເປັນເຈົ້າໄດ້ປະກົດຢູ່ໃນແປວໄຟ ແລະ ກ່າວກັບໂມເຊ.
ພຣະຜູ້ເປັນເຈົ້າໄດ້ກ່າວວ່າ ພຣະອົງຮູ້ວ່າຊາວອິດສະຣາເອນທຸກທໍລະມານຢູ່ໃນປະເທດເອຢິບ. ພຣະອົງໄດ້ບັນຊາໂມເຊໃຫ້ກັບໄປປະເທດເອຢິບ ແລະ ບອກຟາໂຣວ່າ ໃຫ້ປ່ອຍຊາວອິດສະຣາເອນໄປ. ພຣະຜູ້ເປັນເຈົ້າໄດ້ກ່າວວ່າ ພຣະອົງຈະຊ່ວຍໂມເຊປົດປ່ອຍຊາວອິດສະຣາເອນ ແລະ ນຳພາພວກເຂົາໄປຫາແຜ່ນດິນແຫ່ງຄຳສັນຍາ.