“ນາງຮາກາ,” ເລື່ອງພຣະຄຳພີເດີມ (2022)
“ນາງຮາກາ,” ເລື່ອງພຣະຄຳພີເດີມ
ນາງຮາກາ
ແຜນຂອງພຣະຜູ້ເປັນເຈົ້າສຳລັບທິດາຂອງພຣະອົງ
ນາງຮາກາເປັນສາວໃຊ້ຂອງນາງຊາຣາ. ນາງຊາຣາເຖົ້າແກ່ ແລະ ບໍ່ມີລູກ. ນາງໄດ້ບອກອັບຣາຮາມ ສາມີຂອງນາງໃຫ້ແຕ່ງງານກັບນາງຮາກາ ເພື່ອວ່າພວກເພິ່ນຈະມີລູກ. ອັບຣາຮາມ ແລະ ນາງຮາກາໄດ້ແຕ່ງງານກັນ, ແລະ ບໍ່ດົນນາງຮາກາກໍຖືພາ.
ນາງຮາກາ ແລະ ນາງຊາຣາໄດ້ເລີ່ມຕົ້ນເຮັດສິ່ງບໍ່ດີຕໍ່ກັນ. ນາງຮາກາໄດ້ເລືອກໜີໄປຫາທະເລຊາຍ.
ຂະນະທີ່ນາງຮາກາເດີນທາງ, ນາງເມື່ອຍຫລາຍ ແລະ ຫິວນ້ຳ. ໃນທີ່ສຸດ, ນາງໄດ້ມາເຖິງບ່ອນໜຶ່ງທີ່ມີນ້ຳ ແລະ ໄດ້ພັກຜ່ອນຢູ່ທີ່ນັ້ນ.
ພຣະຜູ້ເປັນເຈົ້າຮູ້ກ່ຽວກັບບັນຫາຂອງນາງຮາກາ ແລະ ມີແຜນຊ່ວຍເຫລືອນາງ. ພຣະອົງໄດ້ສົ່ງທູດອົງໜຶ່ງມາ ເພື່ອຂໍໃຫ້ນາງກັບໄປຫາອັບຣາຮາມ ແລະ ນາງຊາຣາ. ເພິ່ນສັນຍາວ່າ ຄອບຄົວຂອງນາງຮາກາຈະເຕີບໂຕ. ເພິ່ນໄດ້ເວົ້າວ່າ ລູກຂອງນາງຈະເປັນຜູ້ຊາຍ ແລະ ວ່ານາງຄວນຕັ້ງຊື່ໃຫ້ລາວວ່າ ອິດຊະມາເອນ.
ນາງຮາກາໄດ້ໄວ້ວາງໃຈໃນພຣະຜູ້ເປັນເຈົ້າ ແລະ ເຊື່ອຟັງທູດ. ນາງໄດ້ກັບໄປຫາອັບຣາຮາມ ແລະ ນາງຊາຣາ. ນາງຮາກາໄດ້ລູກຜູ້ຊາຍ, ແລະ ຕັ້ງຊື່ໃຫ້ລາວວ່າ ອິດຊະມາເອນ. ນາງຮາກາຮູ້ວ່າ ພຣະຜູ້ເປັນເຈົ້າຄອຍເຝົ້າດູແລນາງ.