“ດານີເອນ ແລະ ຖ້ຳສິງ,” ເລື່ອງພຣະຄຳພີເດີມ (2022)
“ດານີເອນ ແລະ ຖ້ຳສິງ,” ເລື່ອງພຣະຄຳພີເດີມ
ດານີເອນ 6
ດານີເອນ ແລະ ຖ້ຳສິງ
ຊາຍຄົນໜຶ່ງທີ່ກ້າອະທິຖານ
ດາຣິອຸດໄດ້ກາຍເປັນຜູ້ປົກຄອງຕະຫລອດທົ່ວບາບີໂລນ. ເພິ່ນຮັກດານີເອນ ແລະ ຢາກໃຫ້ລາວເປັນຜູ້ນຳຕະຫລອດທົ່ວອານາຈັກທັງໝົດ. ພວກໂຫລາຈານຂອງກະສັດເກີດຄວາມອິດສາລິດສະຫຍາ.
ພວກໂຫລາຈານຮູ້ວ່າດານີເອນອະທິຖານຫາພຣະເຈົ້າ, ສະນັ້ນ ພວກເຂົາຈຶ່ງໄດ້ຫລອກໃຫ້ກະສັດຕັ້ງກົດໝາຍໃໝ່ຂໍ້ໜຶ່ງຂຶ້ນມາ. ທຸກຄົນທີ່ອະທິຖານຫາພຣະເຈົ້າ ຈະຖືກໂຍນລົງໃນຖ້ຳສິງ.
ດານີເອນໄດ້ເລືອກອະທິຖານຫາພຣະເຈົ້າຢູ່ຄືເກົ່າ. ພວກໂຫລາຈານຂອງກະສັດໄດ້ເຫັນດານີເອນອະທິຖານ ແລະ ໄດ້ໄປບອກກະສັດວ່າ ດານີເອນຝ່າຝືນກົດໝາຍ. ກະສັດຮູ້ວ່າ ພວກໂຫລາຈານຂອງເພິ່ນໄດ້ຫລອກເພິ່ນ. ເພິ່ນໄດ້ພະຍາຍາມຫາວິທີຊ່ວຍເຫລືອດານີເອນ, ແຕ່ກະສັດຕ້ອງໄດ້ເຮັດຕາມກົດໝາຍຂອງເພິ່ນ.
ດານີເອນຖືກໂຍນລົງໄປໃນຖ້ຳສິງ. ກະສັດບໍ່ຫລັບບໍ່ນອນໝົດຄືນ, ໄດ້ຖືສິນອົດເຂົ້າ ເພື່ອວ່າດານີເອນຈະໄດ້ຮັບການປົກປັກຮັກສາ.
ເຊົ້າມື້ຕໍ່ມາ, ກະສັດໄດ້ຟ້າວໄປຫາຖ້ຳສິງ. ເພິ່ນໄດ້ເອີ້ນດານີເອນ ເພື່ອເບິ່ງວ່າລາວຍັງມີຊີວິດຢູ່ຫລືບໍ່. ດານີເອນໄດ້ຂານຕອບ! ລາວບອກກະສັດວ່າ ພຣະເຈົ້າໄດ້ສົ່ງທູດສະຫວັນອົງໜຶ່ງມາປິດປາກໂຕສິງ. ໂຕສິງບໍ່ໄດ້ທຳຮ້າຍລາວ.
ກະສັດດີໃຈທີ່ດານີເອນປອດໄພ. ເພິ່ນໄດ້ລົງໂທດພວກໂຫລາຈານທີ່ໄດ້ຫລອກເພິ່ນ, ແລະ ເພິ່ນໄດ້ຍົກເລີກກົດໝາຍຂໍ້ນັ້ນ. ເພິ່ນໄດ້ສິດສອນອານາຈັກຂອງເພິ່ນກ່ຽວກັບອຳນາດ ແລະ ພຣະກະລຸນາທິຄຸນຂອງພຣະເຈົ້າ.