“ໂມເຊ ແລະ ງູທອງສຳລິດ,” ເລື່ອງພຣະຄຳພີເດີມ (2022)
“ໂມເຊ ແລະ ງູທອງສຳລິດ,” ເລື່ອງພຣະຄຳພີເດີມ
ໂມເຊ ແລະ ງູທອງສຳລິດ
ການຮຽນຮູ້ທີ່ຈະມີສັດທາໃນພຣະຜູ້ເປັນເຈົ້າ
ຂະນະທີ່ຊາວອິດສະຣາເອນເດີນທາງໄປໃນຖິ່ນແຫ້ງແລ້ງກັນດານ, ພວກເຂົາມັກລືມພຣະຜູ້ເປັນເຈົ້າ ແລະ ມັກເວົ້າຈົ່ມ. ພຣະຜູ້ເປັນເຈົ້າໄດ້ສົ່ງງູມາ ເພື່ອຊ່ວຍພວກເຂົາໃຫ້ຖ່ອມຕົວ ແລະ ລະນຶກເຖິງພຣະອົງ. ງູໄດ້ຕອດຜູ້ຄົນ, ແລະ ຫລາຍຄົນໄດ້ຕາຍໄປ.
ບໍ່ດົນຜູ້ຄົນກໍໄດ້ກັບໃຈ. ພວກເຂົາໄດ້ຂໍໃຫ້ໂມເຊອະທິຖານ ເພື່ອວ່າພຣະຜູ້ເປັນເຈົ້າຈະເຮັດໃຫ້ງູໜີໄປ. ພຣະຜູ້ເປັນເຈົ້າບໍ່ໄດ້ເຮັດໃຫ້ງູໜີໄປ. ແຕ່ພຣະອົງໄດ້ຫາວິທີທາງໃຫ້ຜູ້ຄົນລອດຊີວິດ ຖ້າຫາກພວກເຂົາຖືກກັດ.
ພຣະຜູ້ເປັນເຈົ້າໄດ້ບອກໂມເຊໃຫ້ເຮັດງູດ້ວຍທອງສຳລິດ ແລະ ຕິດມັນໄວ້ໃນປາຍໄມ້. ເມື່ອຜູ້ຄົນຖືກກັດ ແລະ ໄດ້ຫລຽວເບິ່ງງູທອງສຳລິດ, ພຣະຜູ້ເປັນເຈົ້າຈະຊ່ວຍໃຫ້ພວກເຂົາລອດ. ພຣະຜູ້ເປັນເຈົ້າໄດ້ຊ່ວຍຊາວອິດສະຣາເອນໃຫ້ຖ່ອມຕົວ ແລະ ໄວ້ວາງໃຈໃນພຣະອົງ.