ເອລີຊາປິ່ນປົວນາອາມານ

ວິທີທີ່ການອັດສະຈັນຍິ່ງໃຫຍ່ໄດ້ເກີດຂຶ້ນຫລັງຈາກສັດທາອັນລຽບງ່າຍ

ຢູ່ແດນໄກໃນປະເທດຊີເຣຍ ມີຊາຍຄົນໜຶ່ງອາໄສຢູ່ຊື່ວ່າ ນາອາມານ. ເພິ່ນເປັນຜູ້ບັນຊາການທີ່ຍິ່ງໃຫຍ່ໃນກອງທັບຊີເຣຍ. ແຕ່ນາອາມານເປັນພະຍາດຜິວໜັງທີ່ເຈັບປວດເອີ້ນວ່າ ຂີ້ທູດ.

2 ກະສັດ 5:1

ເດັກຍິງຊາວອິດສະຣາເອນກຳລັງເວົ້າກັບເມຍຂອງນາອາມານ

ຄົນຮັບໃຊ້ຂອງເມຍນາອາມານເປັນເດັກຍິງຊາວອິດສະຣາເອນ. ເດັກຍິງມີສັດທາໃນພຣະຜູ້ເປັນເຈົ້າ. ນາງເວົ້າວ່າ ຖ້າຫາກນາອາມານສາມາດໄປຫາສາດສະດາເອລີຊາ, ນາອາມານຈະຫາຍດີພະຍາດ.

2 ກະສັດ 5:2–4

ນາອາມານໄດ້ເດີນທາງໄກເພື່ອໄປຊອກຫາເອລີຊາ. ນາອາມານຄິດວ່າ ເພິ່ນຈະຫາຍດີໂດຍການອັດສະຈັນທີ່ຍິ່ງໃຫຍ່.

2 ກະສັດ 5:5–8

ນາອາມານໄດ້ມາເຖິງເຮືອນຂອງເອລີຊາກັບຄົນຮັບໃຊ້, ຝູງມ້າ, ແລະ ລົດຮົບຂອງເພິ່ນ. ເອລີຊາໄດ້ສົ່ງຄົນຮັບໃຊ້ຂອງເພິ່ນໄປໃຫ້ຄຳແນະນຳຂອງພຣະຜູ້ເປັນເຈົ້າແກ່ນາອາມານ. ພຣະຜູ້ເປັນເຈົ້າຈະປິ່ນປົວນາອາມານ ຖ້າຫາກເພິ່ນລົງໄປອາບນ້ຳຢູ່ໃນແມ່ນ້ຳຈໍແດນເຈັດເທື່ອ.

2 ກະສັດ 5:9–10

ນາອາມານໄດ້ໃຈຮ້າຍຍ້ອນວ່າ ເພິ່ນຢາກໃຫ້ສາດສະດາຂອງພຣະຜູ້ເປັນເຈົ້າອອກມາຫາເພິ່ນ ແລະ ປິ່ນປົວເພິ່ນຢ່າງໄວ. ນາອາມານໄດ້ເວົ້າຈົ່ມວ່າ ແມ່ນ້ຳຈໍແດນບໍ່ດີເທົ່າກັບແມ່ນ້ຳໃຫຍ່ຢູ່ປະເທດຊີເຣຍ.

2 ກະສັດ 5:11–12

ຄົນຮັບໃຊ້ກຳລັງເວົ້າກັບນາອາມານຢູ່ແຄມແມ່ນ້ຳ

ແຕ່ຄົນຮັບໃຊ້ຂອງນາອາມານໄດ້ຖາມນາອາມານວ່າ ເປັນຫຍັງເພິ່ນຈຶ່ງບໍ່ຢາກເຮັດສິ່ງທີ່ງ່າຍໆແບບນັ້ນ. ເຖິງແມ່ນວ່າມັນບໍ່ສົມເຫດສົມຜົນຕໍ່ນາອາມານ, ແຕ່ສາດສະດາຂອງພຣະຜູ້ເປັນເຈົ້າໄດ້ຂໍໃຫ້ເພິ່ນເຮັດ.

2 ກະສັດ 5:13

ນາອາມານຢຸດທະນົງຕົວ ແລະ ໄດ້ຟັງຄວາມຄົນຮັບໃຊ້ຂອງເພິ່ນ. ເພິ່ນໄດ້ລົງອາບນ້ຳໃນແມ່ນ້ຳຈໍແດນເຈັດເທື່ອ. ແລ້ວພຣະຜູ້ເປັນເຈົ້າໄດ້ປິ່ນປົວນາອາມານ, ດັ່ງທີ່ເອລີຊາກ່າວໄວ້. ນາອາມານຮູ້ວ່າເອລີຊາເປັນສາດສະດາ ແລະ ວ່າພຣະຜູ້ເປັນເຈົ້າມີຈິງ.

2 ກະສັດ 5:14–15