“ຊາວອິດສະຣາເອນໃນຖິ່ນແຫ້ງແລ້ງກັນດານ,” ເລື່ອງພຣະຄຳພີເດີມ (2022)
“ຊາວອິດສະຣາເອນໃນຖິ່ນແຫ້ງແລ້ງກັນດານ,” ເລື່ອງພຣະຄຳພີເດີມ
ຊາວອິດສະຣາເອນໃນຖິ່ນແຫ້ງແລ້ງກັນດານ
ການຮຽນຮູ້ທີ່ຈະເພິ່ງອາໄສພຣະຜູ້ເປັນເຈົ້າ
ຫລັງຈາກຊາວອິດສະຣາເອນໄດ້ອອກຈາກປະເທດເອຢິບໄປ, ພວກເຂົາໄດ້ເວົ້າຈົ່ມວ່າ ພວກເຂົາບໍ່ມີອາຫານພຽງພໍ. ພວກເຂົາໄດ້ເວົ້າວ່າ ການເປັນຊະເລີຍຢູ່ໃນປະເທດເອຢິບ ກໍຍັງດີກວ່າທີ່ຈະມາອົດຕາຍຢູ່ໃນຖິ່ນແຫ້ງແລ້ງກັນດານ.
ເພື່ອສິດສອນຊາວອິດສະຣາເອນໃຫ້ໄວ້ວາງໃຈໃນພຣະອົງ, ພຣະຜູ້ເປັນເຈົ້າໄດ້ສົ່ງເຂົ້າຈີ່ຈາກສະຫວັນມາໃຫ້ພວກເຂົາ ເພື່ອໃຫ້ເກັບເອົາແຕ່ລະມື້. ພວກເຂົາເອີ້ນເຂົ້າຈີ່ນັ້ນວ່າ ມານາ. ມັນມີລົດຊາດຄືກັນກັບນ້ຳເຜິ້ງ. ພຣະຜູ້ເປັນເຈົ້າບໍ່ໄດ້ສົ່ງມານາລົງມາໃນວັນຊະບາໂຕ, ມື້ທີເຈັດຂອງອາທິດ. ສະນັ້ນໃນມື້ທີຫົກ, ພຣະອົງໄດ້ບອກພວກເຂົາໃຫ້ເກັບເອົາມານາໃຫ້ພໍສຳລັບສອງມື້.
ຊົ່ວໄລຍະໜຶ່ງ, ພຣະຜູ້ເປັນເຈົ້າກໍໄດ້ສົ່ງນົກຂຸ້ມມາໃຫ້ຊາວອິດສະຣາເອນກິນ. ໃນຕອນເຊົ້າພວກເຂົາໄດ້ເກັບເອົາມານາ, ແລະ ໃນຕອນແລງພວກເຂົາໄດ້ເກັບເອົານົກຂຸ້ມ. ພຣະຜູ້ເປັນເຈົ້າປະສົງໃຫ້ຊາວອິດສະຣາເອນຮຽນຮູ້ທີ່ຈະໄວ້ວາງໃຈໃນພຣະອົງ. ໃນວິທີນີ້, ພຣະອົງໄດ້ດູແລພວກເຂົາຢູ່ໃນຖິ່ນແຫ້ງແລ້ງກັນດານ.