“ຄອບຄົວຂອງອາດາມ ແລະ ເອວາ,” ເລື່ອງພຣະຄຳພີເດີມ (2022)
“ຄອບຄົວຂອງອາດາມ ແລະ ເອວາ,” ເລື່ອງພຣະຄຳພີເດີມ
ຄອບຄົວຂອງອາດາມ ແລະ ເອວາ
ການເລືອກທີ່ຈະຕິດຕາມພຣະຜູ້ເປັນເຈົ້າ
ຫລັງຈາກອາດາມ ແລະ ເອວາໄດ້ອອກຈາກສວນເອເດນ, ເຂົາເຈົ້າໄດ້ສືບຕໍ່ຮຽນຮູ້ກ່ຽວກັບແຜນຂອງພຣະບິດາເທິງສະຫວັນສຳລັບເຂົາເຈົ້າຢູ່ເທິງໂລກ. ເຂົາເຈົ້າໄດ້ມີລູກຫລາຍຄົນ ແລະ ໄດ້ສິດສອນພວກເຂົາທຸກຄົນວ່າ ເຂົາເຈົ້າຮູ້ກ່ຽວກັບພຣະຜູ້ເປັນເຈົ້າ. ລູກໆຂອງອາດາມ ແລະ ເອວາບາງຄົນໄດ້ເລືອກເຊື່ອຟັງພຣະຜູ້ເປັນເຈົ້າ. ແຕ່ບາງຄົນບໍ່ເລືອກເຊື່ອຟັງ.
ຄອບຄົວຂອງອາດາມ ແລະ ເອວາໄດ້ຮັກສາປຶ້ມແຫ່ງຄວາມຊົງຈຳ. ເຂົາເຈົ້າໄດ້ຂຽນປະຫວັດຄອບຄົວໃສ່ໃນປຶ້ມ. ເຂົາເຈົ້າໄດ້ຂຽນກ່ຽວກັບວິທີທີ່ພຣະຜູ້ເປັນເຈົ້າໄດ້ຊ່ວຍເຫລືອເຂົາເຈົ້າ.
ກາອິນ ແລະ ອາເບັນແມ່ນລູກຊາຍສອງຄົນຂອງອາດາມ ແລະ ເອວາ. ອາເບັນຮັກພຣະຜູ້ເປັນເຈົ້າ ແລະ ເລືອກຕິດຕາມພຣະອົງ. ກາອິນບໍ່ເຊື່ອຟັງພຣະຜູ້ເປັນເຈົ້າ. ລາວເລືອກທີ່ຈະກະບົດ.
ຄອບຄົວຂອງອາດາມ ແລະ ເອວາເລີ່ມເຕີບໂຕ. ຫລາຍຄົນໄດ້ເກີດມາ. ທຸກຄົນເປັນອິດສະລະທີ່ຈະເລືອກເຮັດ. ເມື່ອເວລາຜ່ານໄປ, ບາງຄົນໄດ້ກະບົດຕໍ່ພຣະບັນຍັດຂອງພຣະຜູ້ເປັນເຈົ້າ. ພຣະຜູ້ເປັນເຈົ້າໄດ້ສົ່ງສາດສະດາມາສິດສອນຜູ້ຄົນໃຫ້ກັບໃຈ.