Suesuega Faaleaoaoga Faavae
Papatisoga
O le papatisoga i le faatofuina i le vai e se tasi e i ai le pule, o le uluai sauniga faaola lea o le talalelei ma e tatau ai ina ia avea ai ma se tagata O Le Ekalesia a Iesu Keriso o le Au Paia o Aso e Gata Ai ma ia maua ai le olataga faavavau. O i latou uma o e sailia le ola e faavavau e tatau ona mulimuli i le faataitaiga a le Faaola e ala i le papatisoina ma maua le meaalofa o le Agaga Paia.
Vaaiga Lautele
O le papatisoga i le faatofuina i le vai e se tasi e i ai le pule, o le uluai sauniga faaola lea o le talalelei ma e tatau ai ina ia avea ai ma se tagata O Le Ekalesia a Iesu Keriso o le Au Paia o Aso e Gata Ai ma ia maua ai le olataga faavavau. O i latou uma o e sailia le ola e faavavau e tatau ona mulimuli i le faataitaiga a le Faaola e ala i le papatisoina ma maua le meaalofa o le Agaga Paia.
Tusifaamaumau Ou Lagona Uunai
Papatisoga i le Ala a le Alii
Na faaali mai e le Faaola le ala sa’o o le papatisoga i le Perofeta o Iosefa Samita, ua faamanino mai ai o le sauniga e tatau ona faataunuuina e se tasi ua i ai le pule o le perisitua ma e tatau ona faia i le faatofuina.
“O le tagata ua valaaulia e le Atua ma ua i ai le pule mai ia Iesu Keriso e papatiso atu ai, ia o ifo i lalo i le vai faatasi ma le tagata ua tuuina mai o ia lava e papatiso, ma valaau o ia i lona igoa, ma fai atu: Ona ua tofia aʼu e Iesu Keriso, ou te papatiso ia te oe i le suafa o le Tamā, ma le Alo, ma le Agaga Paia. Amene.
“Ona ia faatofu ai lea o ia i le vai, ma toe sau i fafo o le vai” (Mataupu Faavae ma Feagaiga 20:73–74).
O le faatofuina e faatusa lea i le maliu o se tagata mai le olaga e tumu i le agasala ma toe fanaufouina i se olaga faaleagaga, e tuuto i le galuega a le Atua ma Ana fanau. E faatusaina foi i le maliu ma le toetu. (Tagai i le Roma 6:3–6.)
O Le Feagaiga o le Papatisoga
O i latou e papatisoina e ulu atu i se feagaiga faatasi ma le Atua ina ia tauave i o tatou luga le suafa o Iesu Keriso, tausi Ana poloaiga, ma auauna atu ia te Ia seia oo i le iuga (tagai i le Mosaea 18:8–10; Mataupu Faavae ma Feagaiga 20:37). E faafou e tagata o le Ekalesia lenei feagaiga i taimi taitasi latou te taumamafa ai i le faamanatuga (tagai i le Mataupu Faavae ma Feagaiga 20:77, 79).
O i latou o e tausia ia feagaiga na latou faia i le papatisoga e faamanuiaina e le Alii mo lo latou faamaoni. O nisi o faamanuiaga e aofia ai le mafutaga tumau a le Agaga Paia, o le faamagaloina o agasala, ma le avanoa e toefanauina ai faaaleagaga. Afai latou te faaauau i le faamaoni, ua folafolaina mo i latou le ola e faavavau (tagai i le 2 Nifae 31:19–20).
Tamaiti Laiti ma le Papatisoga
Mai faaaliga i aso e gata ai, ua tatou iloa ai o tamaiti laiti e faaolaina e ala i le alofa mutimutivale o Iesu Keriso. Na fetalai le Alii, “E lē mafai ona agasala i latou, ona ua lē tuuina atu ia Satani le mana e faaosooso ai i tamaiti laiti, sei oo ina amata ona tali mai i latou i oʼu luma” (tagai i le Mataupu Faavae ma Feagaiga 29:46–47). E le papatisoina i latou seiloga e oo i tausaga e tali atu ai i latou mo mea na latou faia, o le valu lea o tausaga (tagai i le Mataupu Faavae ma Feagaiga 68:27; Faaliliuga Iosefa Samita, Kenese 17:11). Soo se tasi e faapea mai e tatau ona papatiso tamaiti “ua ia faafitia le alofa mutimutivale o Keriso, ma fai ma meanoa lana togiola ma le mana o lana togiola” (Moronae 8:20; tagai foi i fuaiupu 8–19, 21–24).
Autu Fesootai
-
Agaga Paia
Tusitusiga Paia
Mau Faasino
Punaoa mo le Suesueina o Tusitusiga Paia
-
Bible Dictionary, “Baptism”
-
Topical Guide, “Baptism”
-
Taiala i Tusitusiga Paia, “Papatisoga, Papatiso”
-
Index to the Triple Combination, “Baptism, Baptize”
Punaoa o le Aoaoina
Mekasini a le Ekalesia
Kim Webb Reid, “Sa Papatisoina Iesu,” Liahona, Mati 2017
Jessica Larsen, “Na Aoga Lava le Faatalitali,” Liahona, Mati 2017
Travis T. Anderson, “Naamanu, Papatisoga, ma le Faamamaina,” Liahona, Iuni 1998
Tusi Lesona mo Suesuega
Aoaoga a Peresitene o le Ekalesia
Tala
Punaoa mo le Aoao Atu
Otoooga o Aoaoga
Tala ma Gaoioiga mo le Aoaoina o Tamaiti
“Papatisoga,” O Lesona e Fesoasoani mo le Aoaoina o Tamaiti