“የህይወት ዛፍ፣” የመፅሐፈ ሞርሞን ታሪኮች [2023 (እ.አ.አ)]
“የህይወት ዛፍ፣” የመፅሐፈ ሞርሞን ታሪኮች
የህይወት ዛፍ
በመንፈስ የተነሳሳ የሌሒ ህልም
አንድ ምሽት፣ ሌሂ ከጌታ የመጣ ህልም አየ። ስለህልሙ ለቤተሰቡ ነገራቸው።
በሕልሙ ውስጥ፣ ሌሂ ነጭ ልብስ የለበሰ ነው አየ። ሰውየውም ሌሂ እንዲከተለው ነገረው።
ሌሂ በጭለማ እና ባድማ ውስጥ እንደነበር ተመለከተ። ለብዙ ሰዓታት ተጓዘ። ጭለማው ግል አልጠፋም። በመጨረሻም፣ ሌሂ እርዳታ ለማግኘት ጸለየ።
ሌሂ ጸሎቱን ሲጨርስ፣ ትልቅ ሜዳ ተመለከተ። በሜዳውም ውስጥ ነጭ ፍሬ ያለው ዛፍ ነበር። ሌሂ ፍሬው ደስ ያሰኘኛል ሲል አሰበ፣ እናም በላው። ነፍሱ በደስታ ተሞላች።
ፍሬው ከሌላ ፍሬ በላይ የሚጥም ነበር። ጣፋጭ እና አስደሳች ነበር። ሌሂ ይህን ከቤተሰቡ ጋር ለመካፈል ፈለገ። እነርሱንም እንደሚያስደስታቸው ያውቅ ነበር። ሌሂ ሳርያ፣ ሳም እና ሴፊ በወንዝ አጠገብ ቆመው አያቸው። የጠፉ ይመስሉ ነበር። ሌሂ ድምፁን ከፍ አድርጎ ጠራቸው። እንዲመጡና ፍሬውን እንዲበሉ ጠየቃቸው።
ሳርያ፣ ሳም እና ኔፊ ወደ ዛፉ መጥተው ፍሬውን በሉ። ሌሂ ላማን እና ልሙኤልን ፈለገ። እነርሱም በፍሬው እንዲደሰቱ ፈልጎ ነበር። ሆኖም ፍሬውን ለመብላት አልመጡም።
ከዚያም ሌሂ የብረት በትር ያለውን ወደ ዛፉ የሚመራ መንገድ ተመለከተ። ብዙ ሰዎች በመንገዱ ላይ ሲጓዙ አየ። በድንገት፣ የጨለማ ጭጋግ ተነሳ። ጨለማው ለማየት አስቸጋሪ አደረገው። ወደ ዛፉ ለመድረስ የሚቻለው የብረት በትሩን በመያዝ ብቻ ነበር።
አንዳንድ ሰዎች ከመንገዱ ወጡና ጠፉ። ሌሎችም የብረት በትሩን ያዙ እና ወደፊት ገፉ።
ዛፉ ጋር ሲደርሱ፣ ፍሬውን በሉ።
ሌሂ ቀና ብሎ ተመለከተ ዘዚያም በብዙ ሰዎች የተሞላ አንድ ትልቅ ህንፃ አየ። ፍሬውን በበሉ ሰዎች ላይ ተሳለቁ። ፍሬውን የበሉ አንዳንዶች ሌሎች ሲስቁባቸው መጥፎ ሥሜት ተሰማቸው፣ ስለዚህ ከዛፉ ዞር ብለው ሄዱ። ተቅበዘበዙና ጠፉ።
ሌሂ የብረት በትርን አጥብቀው የያዙ ብዙ ሰዎችን በህልሙ አየ። ወደ ዛፉ እስኪመጡ ድረስ ደረጃ በደረጃ ወደፊት ተጓዙ። ከዚያም በዛፉ አጠገብ ተንበረከኩና ፍሬውን በሉ። በህንፃው ውስጥ ያሉትን ሰዎች አላዳመጡም። በዛፉ አጠገብ ለመቆየት መርጠዋል።
ሌሂ ከእንቅልፉ ሲነቃ፣ ስለ ላማን እና ስለ ልሙኤል ተጨነቀ። በህልሙ ውስጥ ፍሬውን አልበሉም ነበር። ሌሂ ላማንን እና ልሙኤልን ይወዳቸዋል። ወደ ጌታ እንደሚቀርቡ ተስፋ አድርጎ ነበር። የእግዚአብሔርን ትእዛዛት እንዲጠብቁ ጋበዛቸው።