3 Nephi 11; 13; 18

ኢየሱስ አስራ ሁለት ሐዋሪያትን መረጠ

የማስተማር እና የማጥመቅ ሃይል

ኢየሱስ ወደ ለጋስ ምድር በመጣ ጊዜ፣ አስራ ሁለት ሰዎችን መረጠ እና ለማስተማር እና ለማጥመቅ ሃይልን ሰጣቸው። መንፈስ ቅዱስንም ይሰጡ ዘንድ ሃይልንም ደግሞ ሰጣቸው። የእርሱ ደቀመዛሙርት ብሎም ጠራቸው። ደቀ መዛሙርቱም ኢየሱስ እንዲያደርጉ ያስተማራቸውን ነገሮች አደረጉ።

3 ኔፊ 1፣1፣ 18–22, 41; 12፣1; 15፣11–12; 18፣36–37

ኢየሱስ ለደቀመዛሙርቱ እንዴት እንደሚያጠምቁ አስተማራቸው። እርሱ መናገር ያለባቸውን ቃላት ነገራቸው። እርሱም ተጠማቂውን ሰው በውሃ ውስጥ እንዲያስገቡት እና እንዲወጣ እንዲረዱት አስተማራቸው። ኢየሱስም ዘወትር ሲያጠምቁ እርሱ ባስተማራቸው መንገድ እንዲሆን ነገራቸው። እርሱም ደግሞ ስለ መንፈስ ቅዱስ አስተማራቸው።

3 ኔፊ 11፥22–28፣ 35

ኢየሱስ ደቀመዛሙርቱ እርስ በርሳቸው እንዲግባቡ እና እንዳይነታረኩ ፈለገ። በሚነታረኩ ጊዜ፣ የእርሱን አስተምሮዎች እየተከተሉ እንዳልሆነ ተናገረ።

3 ኔፊ 11፥28–30።

ከሰማዩ አባታቸው ጋር ዳግም መኖር ይችሉ ዘንድ ኢየሱስ ህዝቡን በእርሱ እንዲያምኑ፣ ንሰሃ እንዲገቡ፣ እና እንዲጠመቁ አስተማረ።

3 ኔፊ 11፥31–33

ኢየሱስ ክርስቶስ ለደቀመዛሙርቱ በእርሱ ካመኑ፣ በሰማይ አባትም እንዲሁ ያምናሉ በማለት ተናገረ። ኢየሱስ እና የሰማይ አባት ህያው መሆናቸውን እንዲያውቁ መንፈስ ቅዱስ ይረዳቸዋል።

3 ኔፊ 11፥35–36

ኢየሱስ ደቀመዛሙርቱን ማስተማር በጨረሰ ጊዜ፣ እነርሱም ሄደው ሰዎችን ሁሉ እንዲያስተምሩ ነገራቸው። ስለሚበሉት፣ ስለሚጠጡት፣ እና ስለሚለብሱት እንዳይጨነቁ ነገራቸው። የሰማይ አባትን የሚያገለግሉ ከሆነ፣ የሰማይ አባት እንደሚጠነቀቅላቸው ነገራቸው።

3 Nephi 11፣41; 13፣25–34