የሞርሞን ቃላት 1፤ ሞርሞን 1–8

ነቢዩ ሞርሞን

መፅሐፈ ሞርሞንን መጻፍ

ሞርሞን በኢየሱስ ክርስቶስ ያምን የነበረ ኔፋዊ ነበር። እርሱ ያደገው ብዙ ሰዎች የእግዚአብሔርን ትዕዛዛት ይከተሉ ባልነበረበት ጊዜ ነበር። ሰዎች ለገንዘብ እና ለስልጣን እርስ በርሳቸው ይዘራረፉ እና ይገዳደሉ ነበር። አያሌ ጦርነቶች ነበሩ።

3 ኔፊ 5፥12–13፤ 4 ኔፊ 1፥27-49፤ ሞርሞን 1፣1–3፥15፣18-19

ሞርሞን የ 10 ዓመት ልጅ እያለ፣ አማሮን የተባለ ሰው ወደ እርሱ መጣ። አማሮን የኔፋውያንን ታሪክ መዝገብ ይንከባከብ ነበር። አማሮን ሞርሞንን ያምን ነበር እና መዛግብቱም በአንድ ተራራ ስር ተደብቀው እንደነበር ነገረው። አማሮንም ሞርሞን 24 ዓመት በሆነው ጊዜ፣ ሞርሞን ስለህዝባቸው ያየውን መጻፍ እንዳለበት እና በመዝገብም ውስጥ እንዲያካትተው ተናገረ።

4 ኔፊ 1፣47–49፤ ሞርሞን 1፥2–4

ሞርሞን ማደግ በጀመረ ጊዜም፣ አማሮን እንዲያደርገው የጠየቀውን አስታወሰ። ሞርሞን የ 15 ዓመት ልጅ እያለ፣ በጌታ ተጎበኘ። ሞርሞን ስለኢየሱስ መልካምነት ተማረ።

ሞርሞን 1፥5፣ 15

ምንም እንኳ ሞርሞን ወጣት ቢሆንም፣ እርሱ ብርቱ ነበር። ኔፋውያን ሰራዊታቸውን እንዲመራላቸው መረጡት። ሞርሞን በሙሉ ልቡ ህዝቡን ወደዳቸው። እነርሱ ለእግዚአብሔር እንዲታዘዙ እና ደስተኛ እንዲሆኑ ፈለገ፡፡

ሞርሞን 2፣1–2፣ 12፣ 15፣ 19፤ 3፣12

ሞርሞን ህዝቡን ሊረዳ ሞክሯል። ቀን በቀንም ስለእነርሱ ይጽልያል። ህዝቡም ክፉን ነገር እያደረጉ እንደሆነ አውቀዋል፣ ነገር ግን ንሰሃ ሊገቡ አልቻሉም። ከዚህም በኋላ የሚረዳቸው የእግዚአብሔር ሀይል አልነበራቸውም፡፡ እምነት ስላልነበራቸው ተአምራት ቆመዋል። መዋጋትን ቀጥለዋል፣ እና ከእነርሱም ብዙዎች ሞተዋል። ሞርሞን አዝኖ ነበር።

ሞርሞን 1፣13-14፣ 16–19፤ 2፣23–27፤ 3፣1-12፤ 4፣5፣ 9–12፤ 5፣1–7

ሞርሞን 24 ገደማ ሲሆነው፣ መዛግብቱ ወደ ተደበቁበት ኮረብታ ሄደ። እርሱም የህዝቡን ታሪክ እና አስተምሮዎችን በብረት ሰሌዳው ላይ መጻፍ ጀመረ። ምን መጻፍ እንደነበረበትም ጌታ ረድቶታል። ሞርሞንም በመዛግብቱ ላይ ለብዙ ዓመታት ሰርቷል። ዛሬ፣ መዝገቡ መጽሐፈ ሞርሞን ይባላል።

የሞርሞን ቃላት 1፣3–9፤ ሞርሞን 1፣3–4፤ 2፣17–18

ከብዙ ጦርነት በኋላ፣ ላማናውያን ምናልባትም ሁሉንም ኔፋውያን ገድለዋቸዋል። ሞርሞንም ህዝቡ በቅርብ ጊዜ እንደሚጠፉ አወቀ። እነርሱ ንሰሃ ስላልገቡ እና የእግዚአብሔርንም እርዳታ ስላልጠየቁ አዝኗል። ነገር ግን ሰሌዳዎቹ ይጠበቁ ዘንድ ጸለየ እና እግዚአብሔርንም ጠየቀ። ሰሌዳዎቹ የተጠበቁ እንደሚሆኑ ያውቅ ነበር ምክንያቱም በላያቸው ላይ የእግዚአብሔር ቃል ስለነበረ ነው።

የሞርሞን ቃላት 1፣11፤ ሞርሞን 5፣11፤ 6፣6፣ 16–22

ሞርሞን ሰዎች በኢየሱስ እንዲያምኑ ይፈልግ ነበር። ለወደፊቱም ብዙ ሰዎች መጽሐፉን ያነቡ ዘንድ ተስፋ ነበረው። በተለይም የሌማናውያን ቤተሰቦች አንድ ቀን እንዲያነቡ ይመኝ ነበር። ይህን ቢያደርጉ፣ ስለኢየሱስ መማር ይችላሉ። ሞርሞን ከመሞቱ በፊት፣ መዝገቡን ለልጁ ሞሮኒ ሰጠው ይህም የሆነው ይጠበቅ ዘንድ ነበር።

የሞርሞን ቃላት 1፣1–2፤ ሞርሞን 3፣17–22፤ 5፣8–24፤ 6፣6፤ 7፤ 8፣1