10-р бүлэг
Иаков ба Шерим
Есүс Христэд итгэхэд нь хүмүүст туслах зүйлсийг бич хэмээн Нифай Иаковт хэлжээ.
Нифай Иаковт Сүмийн прист байх мөн нифайчуудад Бурханы үгийг заах хүчийг өгөв.
Нифайг нас барсны дараа нифайчуудын олон нь ёс бус болов. Иаков хүмүүст зааж сурган, хийж буй муу зүйлсээ наманчил гэж хэлсэн.
Ёс бус эр Шерим нифайчуудын дунд явж, Есүс Христэд бүү итгэ гэж зааж байлаа.
Шерим Христ гэж ирэхгүй гэж хүмүүст хэлж байв. Олон хүн Шеримд итгэжээ.
Иаков хүмүүст Христэд итгэхийг зааж байв. Шерим Иаковтой маргалдаж, Христ гэж байхгүй хэмээн ятгахыг хүсэж байсан.
Иаковын Есүс Христэд итгэх итгэл гуйвшгүй байв. Тэр тэнгэр элчүүдийг харж, Их Эзэний дуу хоолойг сонссон байлаа. Тэр Есүс ирнэ гэдгийг мэдэж байсан.
Иаковыг Есүс Христийн талаар гэрчлэлээ Шеримд хуваалцах үед нь Ариун Сүнс түүнтэй хамт байв.
Шерим тэмдэг үзүүлэхийг шаардав. Тэр Иаковаас Бурхан байдаг гэдгийг баталж өгөхийг хүсэж байлаа. Тэр ямар нэг гайхамшгийг үзэхийг хүссэн.
Иаков Бурханаас тэмдэг шаардахыг хүсээгүй. Иаковын заасан зүйлүүдийг үнэн гэж Шерим аль хэдийн мэдэж байсныг тэр хэлсэн.
Хэрэв Бурхан Шеримийг цохивол, тэр нь Бурханы хүч чадлын тэмдэг болог гэж Иаков хэлжээ.
Шерим тэр даруй газарт унав. Тэр олон өдрийн турш босож чадсангүй.
Шерим сул дорой болж, удахгүй үхэх гэж байгаагаа мэдэж байв. Тэр хүмүүсийг дуудан цуглуулав.
Тэр өмнө нь худал хэлж байсан гэдгээ тэдэнд хэлэв. Тэднийг Есүс Христэд итгэх ёстой гэж тэр хэлсэн.
Шерим хүмүүст ярьж дууссаныхаа дараа нас баржээ. Хүмүүс Бурханы хүчийг мэдрэн, бүгд газарт унав.
Хүмүүс нүглээ наманчлан, судар уншиж эхлэв. Тэд хайр, амар амгалан дунд амьдарч байлаа. Иаков баяртай байсан бөгөөд Бурхан түүний залбирлуудад хариулсан гэдгийг мэдэж байлаа.