26-р бүлэг

Аммоны хүмүүс

Мозаягийн хөвгүүд леменчүүдэд сайн мэдээг заав. Мянга мянган леменчүүд наманчлан, Сүмд нэгджээ.

Aлмa 23:4–5

Сүмд нэгдэн орсон леменчүүд өөрсдийгөө Антай-Нифай-Лихайчууд буюу Аммоны хүмүүс гэж нэрлэв. Тэд ажилсаг, сайн хүмүүс байлаа.

Алма 23:17–18; Алма 27:26

Нүглээ наманчлаагүй леменчүүд Аммоны хүмүүст уурлаж байсан ба тэдэнтэй байлдахаар зэхэв.

Aлмa 24:1–2

Ёс бус леменчүүд өөрсдийг нь алахаар ирнэ гэдгийг Аммоны хүмүүс мэдэж байсан ч тэдэнтэй байлдахгүй байхаар шийджээ. Тэд аллага хядлагаа наманчилсан байлаа.

Aлмa 24:5–6

Тэд зэвсгээ газрын гүнд булшлаад, дахин хэзээ ч хүн алахгүй гэж Бурханд амлажээ.

Алма 24:17–18

Ёс бус леменчүүдийг ирж, тэднийг алж эхлэхэд тэд сөгдөн суугаад, залбирч байв.

Алма 24:21

Аммоны хүмүүсийн хариу байлдахгүй байгааг хараад, ёс бус леменчүүдийн ихэнх нь тэднийг алахаа зогсоов.

Алма 24:23–24

Леменчүүд хүн алсандаа харамсаж байлаа. Тэд зэвсгээ хаян, Аммоны хүмүүстэй нэгдэв. Тэд дахин байлдахыг хүссэнгүй.

Алма 24:24–27

Аммоны хүмүүсийг алахаар илүү олон леменчүүд нэмж иржээ. Тэд мөн л хариу тулалдаагүй ба олон хүн алуулав.

Aлмa 27:2–3

Хайртай хүмүүсээ алуулахыг хүсээгүй Аммон тусламж хүсэн залбирав. Их Эзэн түүнд хүмүүсээ авч, уг нутгийг орхин яв гэж хэлэв.

Алма 27:4–5, 10–12

Зарахемла дахь нифайчууд Аммонд болон түүний хүмүүст Жершон гэдэг газар нутгийг өгч, тэднийг хамгаалав. Тэд найзууд болжээ.

Aлмa 27:22–23