42-р бүлэг
Христийн цовдлолтын тэмдгүүд
Есүс Христийн төрөлтийн тэмдгүүдийг харснаас хойш гучин гурван жил өнгөрчээ.
Тэд одоо Түүний үхлийн тэмдэг болох гурван өдрийн харанхуйг харуулдаж байв.
Зарим хүн тэр тэмдгийг ирнэ гэдэгт итгэсэнгүй. Тэд итгэсэн хүмүүстэй маргаж байлаа.
Нэг өдөр хүчтэй шуурга дэгдэв. Аймшигт салхи шуурав.
Цахилгаан цахиж, аянга газар дэлхийг бүхэлд нь доргиов.
Зарахемла хот галд шатаж, Моронай хот тэнгисийн гүнд живэв. Моронайха хот булшлагдав.
Газар хөдлөлт дэлхийг бүхэлд нь сэгсрэв. Зам эвдэрч, байшин барилгууд нурав. Олон хот сүйрч, олон хүн үхжээ.
Салхи шуурга, газар хөдлөлт бараг гурван цаг үргэлжилсэн.
Салхи, газар хөдлөлт зогсоход гүн харанхуй газар дэлхийг нөмрөв. Хаана ч гэрэл гэгээ байсангүй. Тэр бүү хэл хүмүүс гүн харанхуйг мэдэрч байв.
Харанхуй гурван өдрийн турш үргэлжилсэн. Лаа асахгүй, хүмүүс нар, сар, оддыг харж чадахгүй байв.
Хүмүүс харанхуй, сүйрэл, үхлээс болж уйлж байлаа. Тэд нүглээ наманчлаагүйдээ гэмшиж байв.
Тэгээд хүмүүс Есүс Христийн дуу хоолойг сонсов.
Есүс тэдэнд газар нутаг дахь аймшигт сүйрлийн тухай ярив. Тэр хамгийн ёс бус хүмүүс алуулсан гэж хэлэв.
Үхээгүй хүмүүс наманчлах хэрэгтэй гэж тэр хэлэв. Хэрэв тэд наманчлан, өөр дээр нь ирвэл тэр тэднийг адислах болно.
Хүмүүс уг дуу хоолойг сонсоод ихэд гайхаж, уйлахаа болив. Олон цагийн турш нам гүм байлаа.
Дараа нь Есүс дахин ярьж, хүмүүст туслахыг үргэлж хичээж байсан гэж хэлэв. Хэрэв тэд одоо наманчлах юм бол түүн рүү эргэж очих боломжтой гэв.
Гурван өдрийн дараа харанхуй арилав. Хүмүүс баярлаж, Их Эзэнд баяр талархлаа илэрхийлжээ.