16-р бүлэг
Хаан Лимхай хүмүүстэйгээ зугтсан нь
Леменчүүд хаан Ноатай хамт зугтаагүй үлдсэн олон нифай хүнийг олзолжээ. Леменчүүд тэднийг авчран, газар өгсөн боловч тэднээс өндөр татвар авч байв.
Нифайчууд Лимхайг хаанаа болгов. Лимхай хаан Ноагийн хүү байсан ч эцэгтэйгээ адил гэм нүгэлтэй байгаагүй. Тэр сайн хүн байв.
Хаан Лимхай леменчүүдтэй эв найрамдалтай байхыг хичээсэн ч тэд нифайчуудыг манаж, тэдэнд харгис хэрцгий хандсаар байв.
Нэг өдөр хаан Лимхай хотын гадна хэсэг харийн хүн байгааг харав. Тэр тэднийг шоронд хийхийг тушаажээ. Уг харийн хүмүүс Зарахемлагаас ирсэн нифайчууд байлаа.
Тэдний удирдагчийг Аммон гэдэг байв. Хаан Лимхай түүнтэй уулзсандаа баяртай байлаа. Тэр хүмүүсээ леменчүүдээс зугтаалгахад Аммоныг тусалж чадна гэж мэдэж байлаа.
Хаан Лимхай хүмүүсээ цуглуулав. Тэр тэдний ёс бус байсан нь леменчүүдийн боолчлолд байгаа шалтгаан байсан гэдгийг сануулжээ.
Тэр ард түмэндээ наманчилж, Бурханд найдан, зарлигуудыг дуулгавартай дага гэж хэлэв. Тэгвэл Бурхан тэдэнд зугтахад нь тусална гэдгийг хэллээ.
Хотыг манадаг леменчүүд шөнө ихэвчлэн согтуу байдгийг нифайчууд олж мэджээ.
Тэр орой Лимхай хаан харуулуудад бэлэг болгон нэмэлт дарс илгээв.
Хаан Лимхай хүмүүстэйгээ хамт согтуу харуулуудын дэргэдүүр өнгөрөн, зугтаж чаджээ.
Аммон Хаан Лимхай болон түүний хүмүүсийг Зарахемла руу аглаг буйдаар удирдсан ба тэнд тэднийг маш дотно хүлээн авчээ.