31-р бүлэг

Ахмад Моронай Зарахемнаг дийлсэн нь

Леменчүүдийн удирдагч Зарахемна ард түмнээ нифайчуудыг үргэлжлүүлэн үзэн ядахыг мөн тэднийг боол болгохыг хүсэж байжээ.

Алма 43:5, 8

Нифайчууд газар нутгаа хадгалж, гэр бүлийнхнээ эрх чөлөөтэй байлгахыг хүсэж байв. Тэд мөн Бурханд бишрэл хүндэтгэлээ үзүүлэхдээ ч эрх чөлөөтэй байхыг хүсэж байлаа.

Алма 43:9

Ахмад Моронай нифайчуудын их цэргийн ахмад байсан. Леменчүүдийг байлдахаар ирэхэд Моронай тэднийг цэргүүдийнхээ хамт Жершоны нутагт угтав.

Aлмa 43:15–16

Ахмад Моронай их цэргээ зэр зэвсэг, бамбай, зузаан хувцас, хуяг дуулгаар хангаж бэлтгэсэн байв.

Aлмa 43:18–19

Леменчүүдийн цэргүүд тоогоор илүү байсан ч нифайчуудын хуяг дуулгыг хараад айжээ. Леменчүүд маш бага хувцас өмссөн байлаа.

Aлмa 43:20–21

Леменчүүдийн цэрэг Ахмад Моронайн их цэрэгтэй байлдаж зүрхэлсэнгүй. Леменчүүд аглаг буйд руу зугтан, нифайчуудын өөр нэг хот руу довтлохоор шийджээ.

Алма 43:22

Моронай леменчүүдийг тандуулахаар тагнуулууд илгээв. Тэр мөн Их Эзэнээс тусламж хүсэн залбирахыг Алмагаас хүссэн. Их Эзэн Алмад леменчүүдийг хаашаа довтлох гэж байгааг хэлэв.

Aлмa 43:23–24

Моронай Алмагийн мэдээг хүлээн аваад, хэсэг цэргийг Жершоныг мануулахаар үлдээж, үлдсэн цэргүүдтэй хамт леменчүүдийг угтахаар жагсан явав.

Алма 43:25

Ахмад Моронайн цэргүүд леменчүүдийн цэргүүдийг отож, Сидон голын хоёр талаар нуугдав.

Алма 43:27, 31–35

Тулалдаан эхэлж, леменчүүд гол гатлан зугтахыг оролдсон боловч голын нөгөө талд илүү олон нифайчууд тэднийг хүлээж байлаа.

Алма 43:36, 39–41

Урьд урьдынхаас ширүүн байлдсан Зарахемна ба түүний цэргүүд олон нифайчуудыг алав. Нифайчууд Их Эзэнээс тусламж гуйн залбирч байв.

Алма 43:43–44, 49

Их Эзэн нифайчуудын цэргүүдийг хүчирхэг болгосон. Цэргүүд нь леменчүүдийг бүслэхэд Моронай байлдааныг зогсоохыг тушаав.

Алма 43:50, 52–54

Моронай, нифайчууд леменчүүдийг алахыг мөн боолоо болгохыг хүсэхгүй байна гэдгийг Зарахемнад хэлэв.

Aлмa 44:1–3

Есүс Христэд итгэх нифайчуудын итгэлийг леменчүүд устгаж чадахгүй гэж Моронай хэлэв. Нифайчуудыг итгэлтэй хэвээрээ байгаа цагт Бурхан тусалсаар байх болно гэж тэр хэлжээ.

Алма 44:4

Моронай Зарахемнад зэвсгээ хураалгахыг тушаав. Леменчүүд нифайчуудын эсрэг дахин хэзээ ч байлдахгүй гэдгээ амлавал тэднийг алахгүй гэв.

Aлмa 44:5–6

Зарахемна Моронайд зэвсгээ хураалгасан боловч байлдахгүй гэж амласангүй. Моронай өөрсдийгөө хамгаал гэж зэвсгийг нь леменчүүдэд буцааж өгөв.

Алма 44:8, 10

Зарахемна Моронайг алахаар ухасхийсэн ч нифайчуудын нэг цэрэг Зарахемнагийн сэлмийг цохиж хугалав.

Алма 44:12

Дараа нь уг цэрэг Зарахемнагийн хуйхыг авч, сэлэмнийхээ үзүүрт өлгөөд, дээш өргөв.

Aлмa 44:12–13

Леменчүүд зэвсгээ хураалган, дахин хэзээ ч байлдахгүй гэж амлахгүй л бол хуйхаа авахуулсны адил газарт унах болно гэдгийг хэлэв.

Алма 44:14

Олон лемен хүн зэвсгээ Моронайн хөлд тавьж, дахин байлдахгүй гэдгээ амлав. Тэднийг суллан явуулахыг зөвшөөрчээ.

Алма 44:15

Ихэд хилэгнэсэн Зарахемна үлдсэн цэргүүдээ байлдаанд уриалан дуудав. Моронайн цэргүүд тэдний олныг алав.

Aлмa 44:16–18

Өөрийг нь бас бүх цэргийг нь алах гэж байгааг хараад Зарахемна амийг нь өршөөхийг Моронайгаас гуйв. Тэр нифайчуудтай дахин хэзээ ч байлдахгүй гэж амлав.

Алма 44:19

Моронай байлдааныг зогсоож, леменчүүдийн зэвсгийг хураав. Дахин байлдахгүй гэж амласных нь дараа леменчүүдийг явуулав.

Алма 44:20, 23