9-р бүлэг

Амлагдсан нутаг дахь шинэ гэр

Лихайн гэр бүлийнхнийг тээсэн усан онгоц далайг гатлан, амлагдсан нутагт хүрч ирэв. Хүмүүс майхнаа босгов.

1 Нифай 18:23

Тэр хөрс шороогоо бэлтгэж, авчирсан үрээ суулгав.

1 Нифай 18:24

Тэд шинэ газар нутгийнхаа эргэн тойрноор явж үзээд, олон төрлийн ан амьтан байгааг олж мэдэв. Тэд мөн алт, мөнгө, зэс зэргийг олов.

1 Нифай 18:25

Бурхан дээр нь бичиж болохуйц төмөр ялтаснууд хий хэмээн Нифайд хэлсэн. Нифай өөрийн гэр бүл болон аяллынхаа талаар бичив. Тэр мөн Бурханы үгсийг бичсэн.

1 Нифай 19:1, 3

Лихай нас өндөр болов. Нас барахынхаа өмнө тэрээр хөвгүүдтэйгээ ярьж, Бурханы зарлигуудыг дуулгавартай дага хэмээн хэлжээ. Тэр мөн ач зээ нараа адислав.

2 Нифай 1:14, 16; 2 Нифай 4:3–11

Лихайг нас эцэслэсний дараа Лемен, Лемүел хоёр Нифайд уурлаж, түүнийг алахыг хүсэв. Тэд өөрсдийн бага дүү болох Нифайг удирдагчаа болгохыг хүсэхгүй байв.

2 Нифай 4:13; 2 Нифай 5:2–3

Их Эзэн Нифайд зөв шударга хүмүүсийг аглаг буйд руу удирдан авч яв хэмээн хэлжээ. Тэд олон өдрийн турш аялаад, эцэст нь тэдний нэрлэснээр Нифай гэдэг газарт буудаллав.

2 Нифай 5:5–8

Нифайг дагасан хүмүүс Бурханыг дуулгавартай дагацгаав. Тэд шаргуу хөдөлмөрлөж мөн адислагджээ. Нифай өөрийн ард түмэнд мод, төмрөөр эд юмс урлахыг зааж өгч, тэд маш үзэсгэлэнтэй ариун сүм барьжээ.

2 Нифай 5:10–11, 15–16

Лемен, Лемүел хоёрыг дагалдагчдыг леменчүүд гэж нэрлэдэг байсан.

2 Нифай 5:14

Леменчүүд Бурханыг дагаагүй бөгөөд Түүний дэргэдээс тусгаарлагдсан. Тэднийг наманчлах хүртэл Их Эзэний Сүнс тэдэнтэй хамт байж чадахгүй байв.

2 Нифай 5:20; Ифер 2:15

Леменчүүд хорон санаагаар дүүрэн байсан бөгөөд нифайчуудтай байнга тулалдаж байв.

2 Нифай 5:24, 34