35-р бүлэг
Ахмад Моронай ба Пахоран
Гэхдээ Хиламанд болон түүний цэргүүдэд тусламж хэрэгтэй байв. Тэдэнд олон хотыг хамгаалахад хүрэлцэхүйц цэрэг байхгүй байлаа.
Ахмад Моронай ерөнхий шүүгч, захирагч Пахоранд захидал бичив. Тэрээр Хиламаны цэргүүдэд туслах цэргүүдийг нэмж илгээхийг Пахоранаас хүсэв.
Леменчүүд Хиламаны эргүүлэн авсан нифайчуудын хот руу довтолсон. Тэд олон нифай хүнийг алж, үлдсэнийг нь хотоос хөөн гаргав.
Моронай засгийн газрын удирдагчдыг тусламж илгээгээгүйд уурлаж, Пахоранд ахиад захидал бичив.
Ахмад Моронай нэмэгдэл цэргүүд илгээгээгүйн улмаас олон хүн алуулсан гэж Пахоранд бичив.
Хэрэв Пахоран цэрэг болон хоол хүнс яаралтай илгээхгүй бол Моронай өөрийн цэргүүдийг Зарахемла руу дагуулан явж, цэргүүдэд хэрэгтэй зүйлүүдийг авахаар явах байв.
Удалгүй Моронай Пахоранаас захидал хүлээн авав. Моронай ба түүний цэргүүдийг зовж шаналж байгаад тэр их харамсаж байв.
Хааныг хүсэгч хүмүүс хэмээн нэрлэгдсэн ёс бус хэсэг нифайчууд өөрийг нь ерөнхий шүүгчээ болгохыг хүсээгүй гэдгийг Пахоран Моронайд хэлжээ. Тэд түүнийг болон түүнийг дэмжигчдийг Зарахемлагаас хүчээр гаргасан байв.
Пахоран Зарахемлаг эргүүлэн авахыг оролдож их цэрэг цуглуулж байгаа тухай мөн нэмж бичжээ.
Хааныг хүсэгч хүмүүс өөрсдийн удирдагч болгохоор нэгэн хааныг сонгож мөн леменчүүдтэй нэгдсэн байв.
Пахоран Моронайн бичсэн зүйлд уурласангүй. Тэр бас нифайчуудыг эрх чөлөөтэй байгаасай гэж хүсэж байлаа.
Тэр Моронайгаас хэдэн эр авчран, өөрт нь туслахыг хүсээд, хэрэв Моронай замдаа олон эр цуглуулбал цэргүүдээ нэгтгээд, Зарахемлаг эргүүлэн авч болно хэмээн хэлжээ.
Пахораныг эх орондоо үнэнч байж, ард түмнээ эрх чөлөөтэй байлгахыг хүссэн хэвээр байгаад ахмад Моронай их баярлаж байлаа.
Моронай цөөн эрийг аваад, Пахорантай уулзахаар явав. Тэр эрх чөлөөний тугаа өргөн явсан ба замд нь мянга мянган эр нэгдэв.
Пахоран, Моронай нарын нэгтгэсэн их цэргүүд Зарахемлагийн эсрэг жагсав. Тэд ёс бус нифайчуудын хааныг алж, эрчүүдийг нь олзлов.
Тэгээд Моронай нифайчуудын их цэрэгт тусламж болгон хоол хүнс, 12000 цэргийг илгээв. Эдгээр цэрэг леменчүүдийг хөөн гаргаж, газар нутагт нь амар амгалан дахин тогтов.