46-р бүлэг
Есүс Христ нифайчуудад заан, тэдэнтэй цуг залбирав
Есүс Христийг харсан нифайчууд найз нөхдөдөө түүнийг маргааш дахин ирнэ гэж хэлсэн. Олон хүн Есүсийн ирэх газарт очих гэж ихээхэн хичээв.
Маргааш нь Нифай болон бусад шавь цугласан олонд сургаал айлдав. Тэгээд шавь нар Ариун Сүнсийг хүлээн авахын төлөө залбирсан.
Нифай ус руу орж, баптисм хүртэв. Дараа нь тэр бусад шавьд баптисм хүртээсэн.
Тэд баптисм хүртсэнийхээ дараа Ариун Сүнсийг хүлээн авав. Тэднийг гал хүрээлэх мэт болж, тэнгэр элчүүд тэнгэрээс бууж ирэн, тэдэнд тохинуулав.
Тэнгэр элчүүдийг шавь нартай хамт байх үед Есүс ирж, тэдний дунд зогссон.
Есүс бүх нифайчуудаас газарт сөгдөхийг хүсэв. Тэр шавь нартаа залбир гэж хэлэв.
Тэднийг залбирч байх үед Есүс хүмүүсээс бага зэрэг холдоод, сөгдөн сууж, Тэнгэрлэг Эцэгт хандан залбирав.
Шавь нарт нь Ариун Сүнсийг өгсөнд Есүс Тэнгэрлэг Эцэгт талархав. Дараа нь тэр шавь нарынх нь үгэнд итгэсэн хүн бүхэнд Ариун Сүнсийг өгөөч гэж гуйсан.
Есүс шавь нараа залбирч байх хооронд адислав. Түүнийг тэдэн рүү инээмсэглэхэд тэд Түүний царай болон хувцастай адил цагаан болцгоов.
Есүс шавь нарынхаа төлөө дахин залбирав. Тэр тэднийг агуу их итгэлтэй байгаад нь баяртай байлаа.
Христ хүмүүст залбирахаа боль, гэхдээ зүрх сэтгэлдээ залбирсаар бай гэж хэлэв. Дараа нь тэр тэдэнд ариун ёслолыг түгээв.
Хэн ч талх, дарс авчраагүй ч Аврагч тэдгээрийг гайхамшигт аргаар бий болгов.
Есүс Христ Өөрийнх нь сайн мэдээ эцсийн өдрүүдэд дэлхийд дахин ирнэ гэж нифайчуудад хэлэв.
Тэр тэдэнд судруудаас суралцах талаар мөн Нифайд Лемен үндэстэн Самуелийн бошиглолын биелэлтийг цэдгүүдэд бичих тухай хэлэв.
Дараа нь Есүс судруудаас хүмүүст заав. Тэр тэдэнд Өөрийнх нь заасан зүйлүүдийг бие биедээ заа хэмээн хэлэв.
Есүсийг тэнгэр өөд буцаж явахад шавь нар нь хүмүүст заасан. Итгэсэн хүмүүс баптисм хүртэж, Ариун Сүнсийг хүлээн авав.
Нифайчууд бүх зарлигийг дуулгавартай дагаж эхлэв.