12-р бүлэг

Бенжамин хаан

Бенжамин хаан нифайчуудын зөв шударга хаан байсан. Тэр зөв шударга хүмүүсийн тусламжтайгаар газар нутагтаа амар амгаланг тогтоов.

Мормоны үгс 1:17–18

Бенжамин хаан нас өндөр болж мөн хүмүүстээ хандан ярихыг хүсэж байлаа. Түүний хүү Мозая дараагийн хаан болно гэдгийг тэр тэдэнд хэлэх хэрэгтэй байв.

Мозая 1:9–10

Газар газраас хүмүүс ирж, ариун сүмийн ойролцоо цугларцгаав. Тэд майхныхаа амыг ариун сүм рүү харуулан босгов.

Мозая 2:1, 5–6

Бенжамин хаан нифайчуудад дуу хоолойгоо хүргэхийн тулд цамхаг дээрээс ярьсан.

Мозая 2:7

Тэр тэдэнд үйлчлэхийг их хичээсэн гэдгээ хэлэв. Тэр бусдад үйлчилснээр Бурханд үйлчилдэг гэж хэлсэн.

Мозая 2:14, 17

Бенжамин хаан хүмүүст Бурханы зарлигуудыг дага гэж хэлэв. Зарлигуудыг итгэлтэй дагадаг хүмүүс аз жаргалтай байж, хэзээ нэгэн өдөр Бурхантай хамт амьдрах болно гэж тэр хэлсэн.

Moзая 2:41

Бенжамин хаан Есүс Христ удахгүй дэлхийд мэндэлнэ мөн Түүний эхийг Мариа гэх болно гэж хэлэв.

Мозая 3:5, 8

Есүс гайхамшгуудыг үзүүлэх болно. Тэр өвчтөнийг эдгээж, нас барагсдыг амилуулах болно. Тэр сохор нэгнийг хараатай болгож, дүлий нэгнийг сонсголтой болгоно.

Мозая 3:5

Есүс бүх хүний нүглийн төлөө зовж шаналан, үхэх болно. Нүглээ наманчилдаг, Есүст итгэдэг хүмүүс нүглээсээ өршөөгдөх болно.

Мозая 3:7, 11–12

Гэм нүгэлтэй хүмүүс Есүсийг ташуурдаж, тэгээд цовдлох болно гэж Бенжамин хаан нифайчуудад хэлсэн.

Мозая 3:9

Гурван өдрийн дараа Тэр амилуулагдах болно.

Moзая 3:10

Хаан Бенжаминыг ярьж дуусахад нифайчууд бүгд газарт сөхрөн унав. Тэд хийсэн нүгэлдээ харамсан, наманчлахыг хүсжээ.

Мозая 4:1–2

Хүмүүс Есүс Христэд итгэж байсан бөгөөд өршөөл хүртэхийн тулд залбирцгаав.

Moзая 4:2

Ариун Сүнс тэдний зүрх сэтгэлийг дүүргэв. Бурхан өөрсдийг нь өршөөсөн бөгөөд өөрсдөд нь хайртай гэдгийг тэд мэдсэн. Тэд амар амгалан, баяр баяслыг мэдрэв.

Мозая 4:3

Бенжамин хаан ард түмэндээ Бурханд итгэ хэмээн хэлэв. Бурхан бүх зүйлийг бүтээсэн бөгөөд ухаалаг, хүчирхэг гэдгийг тэр тэдэнд мэдүүлэхийг хүсэж байлаа.

Мозая 4:9

Бенжамин хаан хүмүүст даруу байж, өдөр бүр залбир хэмээн хэлэв. Тэр ард түмнээсээ Бурханыг үргэлж санаж, итгэлтэй байгаасай гэж хүсэж байлаа.

Moзая 4:10–11

Тэр эцэг эхчүүдэд муудалцаж, маргахыг үр хүүхдүүддээ бүү зөвшөөр гэж захив.

Moзая 4:14

Тэр дуулгавартай байхыг мөн нэг нэгнээ хайрлаж, үйлчлэхийг үр хүүхдүүддээ заа гэж тэдэнд хэлэв.

Moзая 4:15

Тэрээр хэлж, хийж, бодож байгаа зүйлдээ хянамгай хандахыг хүмүүст сэрэмжлүүлсэн. Тэд үлдсэн амьдралынхаа туршид итгэлтэй байж, зарлигуудыг дагах ёстой байв.

Moзая 4:30

Бенжамин хаан хүмүүсээс өөрийнх нь заасан зүйлст итгэж байгаа эсэхийг асуув. Тэд бүгд тийм гэж хэлсэн. Ариун Сүнс тэднийг өөрчилсөн бөгөөд тэд цаашид нүгэл үйлдэхийг хүсэхгүй байв.

Мозая 5:1–2

Тэд бүгд Бурханы зарлигуудыг дагана хэмээн амлаж, гэрээ байгууллаа. Хаан Бенжамин сэтгэл хангалуун байв.

Мозая 5:5–6

Хаан Бенжамин өөрийн хүү Мозаяд шинэ хаан болох эрхийг олгов. Хаан Бенжамин үүнээс хойш гурван жилийн дараа нас баржээ.

Мозая 6:3, 5

Мозая зөв шударга хаан байв. Тэр аавынхаа адил шаргуу хөдөлмөрлөж, ард түмэндээ үйлчилдэг байв.

Мозая 6:6–7