50-р бүлэг
Жаредчууд Бабелийг орхин явсан нь
Жаред ба түүний ах ёс журамтай эрчүүд байсан бөгөөд Бабел хэмээх хотод амьдарч байв. Тэд нифайчуудаас хэдэн зуун жилийн өмнө амьдарч байлаа.
Бабелд амьдарч байсан хүмүүсийн ихэнх нь ёс бус байв. Тэд тэнгэрт хүрэхийг хичээн нэгэн цамхаг барьсан. Их Эзэн үүнд нь хилэгнэн, тэдний хэлийг өөрчилжээ.
Жаред ахаасаа Их Эзэнд хандан залбирч, гэр бүл, найз нөхдийнхөө хэлийг бүү өөрчлөөч гэж гуйхыг хүслээ.
Жаредын ах залбирч, Их Эзэн залбиралд нь хариулав. Жаред ба түүний ах, тэдний гэр бүл, найз нөхөд бие биенээ ойлгож чаддаг хэвээр үлдэв.
Их Эзэн Жаредын ахад гэр бүл, найз нөхдөө цуглуулан, нутгаа орхин яв гэж хэлэв. Тэд мал сүрэг, бүх төрлийн үр тариагаа авч явав.
Их Эзэн жаредчуудыг амлагдсан нутаг тийш удирдана гэж хэлэв.
Жаредчууд өөрсөдтэйгөө хамт авч явахаар шувууд болон загас барив.
Тэд балт зөгийнүүдийг үүртэй нь авлаа.
Жаредчууд аглаг буйд тийш аялсан. Их Эзэн үүлэн дундаас тэдэнтэй ярьж, аль замаар явахыг нь хэлж өгсөн.
Амлагдсан нутагт амьдарч байгаа хүмүүс Бурханд үйлчлэх ёстой, эс бөгөөс устгагдах болно гэж Их Эзэн хэлэв.
Жаредчууд тэнгисийн эрэг дээр ирж, майхнаа босгосон. Тэд тэнгисийн эрэг дээр дөрвөн жил суурьшив.